ਚੰਡੀਗੜ (ਪ੍ਰੀਤਮ ਲੁਧਿਆਣਵੀ) : ਆਪਣੀ ਕਮਾਲ-ਮਈ ਗਾਇਕੀ ਕਲਾ ਦੁਆਰਾ ਚਰਚਾ ਵਿਚ ਰਹਿਣ ਵਾਲੇ ਸੁਰੀਲੀ, ਮਨਮੋਹਕ ਤੇ ਬੁਲੰਦ ਅਵਾਜ ਦੇ ਮਾਲਕ ਗਾਇਕ ਹਰਬੰਸ ਬੱਬੂ ਦੀ ਅਵਾਜ ਵਿੱਚ ਬਹੁਤ ਹੀ ਸ਼ਾਨਦਾਰ ਗੀਤ, ‘ਕੰਗਨੀ’, ਬੀਟ ਰਿਕਾਰਡਜ ਕੰਪਨੀ ਵੱਲੋਂ ਰਿਲੀਜ ਕੀਤਾ ਗਿਆ ਹੈ। ਇਸਨੂੰ ਲਾ-ਜੁਵਾਬ ਕਲਮ ਨਾਲ ਸਿਰਜਿਆ ਹੈ ਨਾਮਵਰ ਗੀਤਕਾਰ ਜਸਵੀਰ ਘੋੜੇਨਾਬ ਨੇ ਅਤੇ ਇਸ ਨੂੰ ਸੰਗੀਤਕ ਛੋਹਾਂ ਨਾਲ ਸ਼ਿੰਗਾਰਿਆ ਹੈ ਨਾਭੇ ਆਲੇ ਨੇ। ਇਸ ਗੀਤ ਦੇ ਪ੍ਰੋਡਿਊਸਰ ਰਾਜਵੀਰ ਢਿੱਲੋਂ ਜੀ ਹਨ।
ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਪ੍ਰਸਿੱਧ ਗੀਤਕਾਰ ਰਾਜੂ ਨਾਹਰ ਨੇ ਦੱਸਿਆ ਕਿ ਇਸ ਗੀਤ ਦੀ ਵੀਡੀਉ ਬਹਾਲ ਸਿੰਘ ਨੇ ਬਣਾਈ ਹੈ। ਇਹ ਗੀਤ ਇੱਕ ਪਰਿਵਾਰਕ ਗੀਤ ਹੈ ਜੋ ਕਿ ਨਸ਼ਿਆ ਅਤੇ ਹਥਿਆਰਾਂ ਵਾਲੇ ਗੀਤਾਂ ਤੋਂ ਹੱਟਕੇ ਸਮਾਜ ਨੂੰ ਸੇਧ ਪ੍ਰਦਾਨ ਕਰਦਾ ਜਾਨਦਾਰ ਤੇ ਖੂਬਸੂਰਤ ਗੀਤ ਹੈ। ਹਰ ਵਰਗ ਦੇ ਸਰੋਤਿਆਂ ਦੀ ਪਸੰਦ ਬਣਿਆ ਇਹ ਗੀਤ ਸੋਸ਼ਲ ਮੀਡੀਆ ਉਤੇ ਖ਼ੂਬ ਨੰਬਰ ਬਟੋਰ ਰਿਹਾ ਹੈ।
