ਓ ਰੱਬਾ ਵੇਖ ਕੇ ਅੱਜ ਦੀ ਰਾਜਨੀਤੀ,
ਅੱਖੀਂ ਖ਼ੂਨ ਦੇ ਹੰਝੂ ਆਉਂਦੇ ਨੇ ।
ਦੀਪ,ਸੰਦੀਪ ਤੇ ਸ਼ੁਭਦੀਪ ਵਰਗੇ ,
ਕਿੱਦਾਂ ਦਿਨ ਦਿਹਾੜੇ ਜਾਂਵਦੇ ਨੇ।
ਸ਼ੇਰੇ ਪੰਜਾਬ ਸ਼ਹਿਨਸ਼ਾਹ ਆ ਮੁੁਡ਼ ਕੇ,
ਤੇਰੇ ਪੰਜਾਬ ਦੇ ਲੋਕ ਬੁਲਾਂਵਦੇ ਨੇ।
ਓ ਇੱਥੇ ਚੋਰ ਤੇ ਕੁੱਤੀ ਰਲ ਗਏ ਨੇ,
ਆਮ ਲੋਕ ਹੀ ਦਰਦ ਹੰਢਾਂਵਦੇ ਨੇ।
ਓ ਰਾਜੇ ਰਣਜੀਤ ਜਿਹਾ ਇਨਸਾਫ ਹੈ ਨਹੀੰ,
ਓ ਲੋਕੀ ਹਾਕਾਂ ਮਾਰ ਬੁਲਾਉਂਦੇ ਨੇ ।
ਸ਼ੇਰੇ ਪੰਜਾਬ ਸ਼ਹਿਨਸ਼ਾਹ ਆ ਮੁੁਡ਼ ਕੇ,
ਤੇਰੇ ਪੰਜਾਬ ਦੇ ਲੋਕ ਬੁਲਾਂਵਦੇ ਨੇ।
ਓ ਅੱਜ ਕੋਈ ਨਹੀੰ ਲੋਹੇ ਨੂੰ ਸੋਨਾ ਕਰਦਾ,
ਆਪਣੇ ਆਪ ਨੂੰ ਪਾਰਸ ਅਖਵਾਂਵਦੇ ਨੇ ।
ਕੋਈ ਨਲੂਏ ਜਿਹਾ ਨਾ ਜਰਨੈਲ ਹੋਇਆ,
ਓ ਲੋਕੀਂ ਅੱਜ ਵੀ ਕਿੱਸੇ ਗਾਂਵਦੇ ਨੇ।
ਸ਼ੇਰੇ ਪੰਜਾਬ ਸ਼ਹਿਨਸ਼ਾਹ ਆ ਮੁੁਡ਼ ਕੇ,
ਤੇਰੇ ਪੰਜਾਬ ਦੇ ਲੋਕ ਬੁਲਾਂਵਦੇ ਨੇ।
ਬੱਚੇ ਮਾਰ ਕੇ ਵੱਟੇ ਉਸ ਸ਼ਹਿਨਸ਼ਾਹ ਦੇ,
ਤਾਂ ਵੀ ਫਲ ਹੀ ਝੋਲੀ ਪਵਾਂਵਦੇ ਨੇ ।
ਹੁਣ ਤਾਂ ਹਉਮੈਂ ਹੰਕਾਰ ਹੀ ਰਹਿ ਗਿਆ ਇੱਥੇ,
ਫੋਕੀ ਟੌਹਰ ‘ਚ ਰਾਜੇ ਮਰੀ ਜਾਂਵਦੇ ਨੇ।
ਸ਼ੇਰੇ ਪੰਜਾਬ ਸ਼ਹਿਨਸ਼ਾਹ ਆ ਮੁੁਡ਼ ਕੇ,
ਤੇਰੇ ਪੰਜਾਬ ਦੇ ਲੋਕ ਬੁਲਾਂਵਦੇ ਨੇ।
ਹਰ ਧਰਮ , ਇਨਸਾਨ ਦੇ ਬਣ ਰਾਖੇ,
ਕੋਈ ਨਾ ਸੇਵਾਦਾਰ ਅਖਵਾਉਂਦੇ ਨੇ ।
ਕੰਵਲ ਆਖੇ ਓ ਰੱਬਾ ਭੇਜ ਮੁੜ੍ਹਕੇ,
ਪਾਂਡੀ ਪਾਤਸ਼ਾਹ ਤਾਈਂ ਕੁਰਲਾਉਂਦੇ ਨੇ ।
ਸ਼ੇਰੇ ਪੰਜਾਬ ਸ਼ਹਿਨਸ਼ਾਹ ਆ ਮੁੁਡ਼ ਕੇ,
ਤੇਰੇ ਪੰਜਾਬ ਦੇ ਲੋਕ ਬੁਲਾਂਵਦੇ ਨੇ।
ਕੰਵਲਜੀਤ ਕੌਰ ਕੰਵਲ
ਮਹਿਮਾ ਚੱਕ/ਫਤਿਹਵਾਲੀ
ਗੁਰਦਾਸਪੁਰ
9915986343
