ਲੁਧਿਆਣਾ ( ਰਛਪਾਲ ਸਹੋਤਾ ) ਪੰਜਾਬੀ ਗਾਇਕੀ ਖੇਤਰ ਚ ਸਾਫ ਸੁਥਰੀ ਗੀਤਕਾਰੀ ਅਤੇ ਗਾਇਕੀ ਨਾਲ ਪਿਛਲੇ ਕੁਝ ਕੁ ਸਮੇਂ ਤੋਂ ਪਰਿਵਾਰਿਕ, ਮਿਆਰੀ ਅਤੇ ਸੱਭਿਆਚਾਰਕ ਗੀਤਾਂ ਰਾਂਹੀ ਸੇਵਾ ਕਰ ਰਹੇ ਗਾਇਕ ਆਰ.ਸੰਧੂ (ਰਘੂਵੀਰ ਸਿੰਘ ਬੱਲੋਵਾਲ) ਦਾ ਨਵਾਂ ਸਿੰਗਲ ਟਰੈਕ ‘ਸੋਹਣਾ ਮੇਰਾ ਪਿੰਡ ਸੋਹਣੇ ਲੋਕ ਵਸਦੇ, ਮਾਂ ਬੋਲੀ ਪੰਜਾਬੀ ਦੇ ਪ੍ਰਸੰਸਕਾਂ ਵਲੋਂ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ।ਇਸ ਸਬੰਧੀ ਗਾਇਕ ਆਰ. ਸੰਧੂ ਨੇ ਦੱਸਿਆ ਕਿ ਆਰ. ਬ੍ਰਦਰਜ਼ ਵਲੋਂ ਪੇਸ਼ਕਸ਼ ਅਤੇ ਕੇ.ਐਸ. ਚੌਹਾਨ ਵਲੋਂ ਸੰਗੀਤਵਧ ਕੀਤੇ ਇਸ ਗੀਤ ਸੋਹਣਾ ਮੇਰਾ ਪਿੰਡ, ਨੂੰ 7 ਲੱਖ ਤੋਂ ਜਿਆਦਾ ਦਰਸ਼ਕ ਯੂ ਟਿਊਬ ਰਾਂਹੀ ਦੇਖ ਚੁੱਕੇ ਹਨ, ਜਿਸ ਨਾਲ ਸਾਡੀ ਟੀਮ ਦੇ ਹੌਂਸਲੇ ਹੋਰ ਵੀ ਦ੍ਰਿੜ ਹੋ ਗਏ ਹਨ।ਇਸ ਗੀਤ ਦਾ ਵੀਡੀਓ ਬਹੁਤ ਹੀ ਸੁੰਦਰ ਲੋਕੇਸ਼ਨਾਂ ਤੇ ਸੱਭਿਆਚਾਰਕ ਮਾਹੌਲ ਚ ਸ਼ੂਟ ਕੀਤਾ ਗਿਆ ਹੈ।ਇਸ ਪ੍ਰੋਜੈਕਟ ਨੂੰ ਰਿਲੀਜ਼ ਕਰਨ ਚ ਬੂਟਾ ਐਂਡ ਪੰਮਾ ਅਤੇ ਰਣਜੀਤ ਸਿੰਘ ਦਾ ਵੀ ਯੋਗਦਾਨ ਰਿਹਾ ਹੈ।
