ਜੰਡਿਆਲਾ ਗੁਰੂ -( ਸੋਨੂੰ ਮਿਗਲਾਨੀ)- ਅੱਜ ਜੰਡਿਆਲਾ ਗੁਰੂ ਸੀਨੀਅਰ ਸੈਕੰਡਰੀ ਲੜਕੀਆਂ ਦੇ ਸਕੂਲ ਵਿਖੇ ਕੈਬਿਨੇਟ ਮੰਤਰੀ ਹਰਭਜਨ ਸਿੰਘ (ਪੀ.ਡਬਲਯੂ. ਡੀ. ਅਤੇ ਬਿਜਲੀ ਮੰਤਰੀ) ਨੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਆਮ ਆਦਮੀ ਪਾਰਟੀ ਦਾ ਇਕ ਸਪਨਾ ਹੈ ਕਿ ਪੰਜਾਬ ਵਿਚ ਵੀ ਵਿੱਦਿਆ ਦਾ ਸਤ੍ਰ ਹੋਵੇ ਦਿੱਲੀ ਦੀ ਤਰ੍ਹਾਂ ਉੱਚਾ ਜਿਥੇ ਸਿਰਫ ਗਰੀਬਾਂ ਦੇ ਬੱਚੇ ਹੀ ਨਹੀਂ ਮਿੱਡਲ ਕਲਾਸ ਅਤੇ ਅਮੀਰ ਘਰਾਂ ਦੇ ਬੱਚੇ ਵੀ ਬਿਨਾਂ ਕਿਸੇ ਭੇਦ ਭਾਵ ਦੇ ਸਿੱਖਿਆ ਪ੍ਰਾਪਤ ਕਰ ਸਕਣ ਅਤੇ ਭਾਰਤ ਦੇ ਵਿਕਾਸ ਵਿਚ ਆਪਣਾ ਯੋਗਦਾਨ ਦੇ ਸਕਣ । ਉਥੇ ਉਹਨਾਂ ਦੀ ਧਰਮ-ਪਤਨੀ ਸੁਹਿੰਦਰ ਕੌਰ ਨੇ ਅੱਜ ਸਕੂਲ ਵਿਚ ਪਹੁੰਚ ਕੇ ਹੋ ਰਹੇ ਵਿਕਾਸ ਕੰਮਾਂ ਦਾ ਨਿਰੀਖਿਣ ਕੀਤਾ ਅਤੇ ਹਰ ਇਕ ਪਹਿਲੂ ਦੀ ਬਾਰੀਕੀ ਨਾਲ ਜਾਂਚ ਕੀਤੀ।ਆਪਣੇ ਸੰਬੋਧਨ ਵਿਚ ਦਸਿਆ ਕਿ ਸਿੱਖਿਆ ਦੇ ਖੇਤਰ ਵਿਚ ਕੋਈ ਵੀ ਰੁਕਾਵਟ ਨਹੀਂ ਆਉਣ ਦੇਵਾਂਗੇ। ਉਥੇ ਗੁਰਦੇਵ ਸਿੰਘ ਸੰਧੂ ਨੇ ਆਪਣੇ ਦੇਖ ਰੇਖ ਵਿਚ ਸਕੂਲ ਦੇ ਵਿਕਾਸ ਦੇ ਕੰਮਾਂ ਲਈ ਦਿਨ ਰਾਤ ਇਕ ਕਰ ਰਹੇ ਹਨ ਅਤੇ ਜਲਦ ਹੀ ਸਕੂਲ ਦਾ ਕੰਮ ਪੂਰਾ ਕਰਨ ਦਾ ਵਾਅਦਾ ਕੀਤਾ।ਇਸ ਮੌਕੇ ਸਕੂਲ ਦੇ ਪ੍ਰਿੰਸੀਪਲ ਅਤੇ ਸਮੂਹ ਸਟਾਫ ਮੌਜੂਦ ਸਨ।
