ਅਮਰੀਕਾ ਨੇ ਐਲਿਜ਼ਬੈੱਥ ਜੋਨਸ ਨੂੰ ਭਾਰਤ ’ਚ ਅਮਰੀਕਾ ਦਾ ਅੰਤਰਿਮ ਰਾਜਦੂਤ ਨਿਯੁਕਤ ਕਰ ਦਿੱਤਾ ਐ। ਵਿਦੇਸ਼ ਵਿਭਾਗ ਨੇ ਸੋਮਵਾਰ ਨੂੰ ਐਲਿਜ਼ਾਬੈੱਥ ਦੇ ਨਾਂ ਦਾ ਐਲਾਨ ਕਰਦੇ ਹੋਏ ਕਿਹਾ ਕਿ ਉਹ ਛੇਤੀ ਹੀ ਨਵੀਂ ਦਿੱਲੀ ਪਹੁੰਚੇਗੀ। 74 ਸਾਲਾ ਜੋਨਸ ਹਾਲ ਹੀ ਵਿਚ ਅਫਗਾਨ ਮੁਡ ਦੀ ਕਨਵੀਨਰ ਦੇ ਤੌਰ ’ਤੇ ਕੰਮ ਕਰ ਚੁੱਕੇ ਹਨ।
ਉਹ ਸਭ ਤੋਂ ਪਹਿਲਾਂ ਯੂਰਪ ਤੇ ਯੂਰੇਸ਼ੀਆ ਦੀ ਸਹਾਇਕ ਵਿਦੇਸ਼ ਮੰਤਰੀ, ਮੁੱਖ ਸਹਾਇਕ ਵਿਦੇਸ਼ ਮੰਤਰੀ, ਸਾਬਕਾ ਤੇ ਕਜ਼ਾਕਸਤਾਨ ਦੀ ਰਾਜਦੂਤ ਵੀ ਰਹਿ ਚੁੱਕੇ ਹਨ। ਅਮਰੀਕਾ ਦੇ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ ਨੇ ਕਿਹਾ ਕਿ ਭਾਰਤ ’ਚ ਰਾਜਦੂਤ ਜੌਨਸ ਦੂਤਘਰ ਤੇ ਵਪਾਰਕ ਦੂਤਘਰ ਦੀ ਇੰਟਰ ਏਜੰਸੀ ਟੀਮ ’ਚ ਸ਼ਾਮਲ ਹੋਣਗੇ। ਉਹ ਭਾਰਤ ਤੇ ਅਮਰੀਕਾ ਦੇ ਸਬੰਧਾਂ ਨੂੰ ਮਜ਼ਬੂਤ ਕਰਨ ਦੇ ਨਾਲ-ਨਾਲ ਇਨ੍ਹਾਂ ਨੂੰ ਹੋਰ ਵਿਸਥਾਰ ਦੇਣਗੇ।
