ਕੀਵ- ਨਾਟੋ ਨੇ ਪੱਛਮੀ ਯੂਰਪ ਵਿਚ ਪ੍ਰਮਾਣੂ ਰੋਕੂ ਅਭਿਆਸ ਕੀਤਾ।ਇਹ ਅਭਿਆਸ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਵਲੋਂ ਯੂਕਰੇਨ ਯੁੱਧ ਦੇ ਵਿਚਕਾਰ ਪ੍ਰਮਾਣੂ ਹਮਲੇ ਦੀ ਸੰਕੇਤਕ ਧਮਕੀ ਮਿਲਣ ਤੋਂ ਬਾਅਦ ਕੀਤਾ ਗਿਆ ਸੀ।30 ਦੇਸ਼ਾਂ ਦੇ ਸੰਗਠਨ ਨਾਟੋ ਨੇ ਜ਼ੋਰ ਦੇ ਕੇ ਕਿਹਾ, ‘ਇਹ ਇੱਕ ਨਿਯਮਤ ਅਤੇ ਦੁਹਰਾਇਆ ਜਾਣ ਵਾਲਾ ਅਭਿਆਸ ਹੈ, ਜੋ 30 ਅਕਤੂਬਰ ਤੱਕ ਚੱਲੇਗਾ।ਇਹ ਯੂਕਰੇਨ ’ਤੇ ਰੂਸ ਦੇ ਹਮਲੇ ਤੋਂ ਪਹਿਲਾਂ ਯੋਜਨਾਬੱਧ ਸੀ ਅਤੇ ਮੌਜੂਦਾ ਸਥਿਤੀ ਨਾਲ ਸਬੰਧਤ ਨਹੀਂ ਹੈ।’
ਇਸ ਨਾਟੋ ਅਭਿਆਸ ਵਿੱਚ ਅਮਰੀਕਾ ਦੇ ਬੀ-52 ਲੰਬੀ ਦੂਰੀ ਦੇ ਬੰਬ ਅਤੇ ਕੁੱਲ 60 ਜਹਾਜ਼ ਸ਼ਾਮਲ ਹੋਣਗੇ।ਇਹ ਅਭਿਆਸ ਬੈਲਜੀਅਮ, ਬਿ੍ਰਟੇਨ ਅਤੇ ਉੱਤਰੀ ਸਾਗਰ ਦੇ ਅਸਮਾਨ ਵਿਚ ਹੋਵੇਗਾ।ਨਾਟੋ ਦੇ ਸਕੱਤਰ ਜਨਰਲ ਜੇਨਸ ਸਟੋਲਟਨਬਰਗ ਨੇ ਵਲਾਦੀਮੀਰ ਪੁਤਿਨ ਵਲੋਂ ਪ੍ਰਮਾਣੂ ਹਮਲੇ ਦੀ ਧਮਕੀ ਮਿਲਣ ਤੋਂ ਬਾਅਦ ਅਭਿਆਸ ਨਾ ਕਰਨ ਦੀਆਂ ਸਾਰੀਆਂ ਅਪੀਲਾਂ ਨੂੰ ਰੱਦ ਕਰ ਦਿੱਤਾ।ਸਟੋਲਟਨਬਰਗ ਨੇ ਪਿਛਲੇ ਹਫਤੇ ਕਿਹਾ ਸੀ, ‘ਜੇਕਰ ਅਸੀਂ ਯੂਕਰੇਨ ਯੁੱਧ ਦੇ ਕਾਰਨ ਲੰਬੇ ਸਮੇਂ ਤੱਕ ਪਹਿਲਾਂ ਤੋਂ ਯੋਜਨਾਬੱਧ ਅਭਿਆਸ ਨੂੰ ਪੂਰਾ ਨਹੀਂ ਕਰਦੇ ਹਾਂ, ਤਾਂ ਇਹ ਗਲਤ ਸੰਦੇਸ਼ ਜਾਵੇਗਾ।’
ਉਨ੍ਹਾਂ ਕਿਹਾ, ‘ਸਾਨੂੰ ਇਹ ਸਮਝਣਾ ਹੋਵੇਗਾ ਕਿ ਨਾਟੋ ਦਾ ਮਜ਼ਬੂਤ, ਪਹਿਲਾਂ ਤੋਂ ਪ੍ਰਭਾਵੀ ਵਿਵਹਾਰ ਸਾਡੀ ਫੌਜੀ ਤਾਕਤ ਹੈ।ਤਣਾਅ ਨੂੰ ਵਧਣ ਤੋਂ ਰੋਕਣ ਦਾ ਇਹ ਸਭ ਤੋਂ ਵਧੀਆ ਤਰੀਕਾ ਹੈ।’ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਵੀ ਸ਼ੁੱਕਰਵਾਰ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਰੂਸੀ ਫੌਜਾਂ ਨਾਲ ਨਾਟੋ ਫੌਜਾਂ ਵਿਚਾਲੇ ਝੜਪ ਇੱਕ ‘ਗਲੋਬਲ ਤਬਾਹੀ’ ਹੋਵੇਗੀ।ਕਜ਼ਾਕਿਸਤਾਨ ਦੀ ਰਾਜਧਾਨੀ ਅਸਤਾਨਾ ਵਿੱਚ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦੇ ਹੋਏ ਪੁਤਿਨ ਨੇ ਕਿਹਾ, ‘ਰੂਸੀ ਫੌਜ ਨਾਲ ਸਿੱਧਾ ਸੰਪਰਕ ਜਾਂ ਨਾਟੋ ਦਾ ਫੌਜੀਆਂ ਨਾਲ ਸਿੱਧਾ ਟਕਰਾਅ ਬਹੁਤ ਖਤਰਨਾਕ ਕਦਮ ਹੋਵੇਗਾ, ਜਿਸ ਨਾਲ ਵਿਸ਼ਵ ਤਬਾਹੀ ਹੋ ਸਕਦੀ ਹੈ।’
