ਭੁਲੱਥ (ਅਜੈ ਗੋਗਨਾ )—ਗੁਰੂ ਨਾਨਕ ਫ੍ਰੀ ਡਾਇਲਸਿਸ ਯੂਨਿਟ ਭੁਲੱਥ ਦੇ ਸਰਪ੍ਰਸਤ ਇਟਲੀ ਨਿਵਾਸੀ ਸ: ਫਲਜਿੰਦਰ ਸਿੰਘ ਲਾਲੀਆ, ਅਤੇ ਇਲਾਕੇ ਦੇ ਐਨ ਆਰ ਆਈ ਅਤੇ ਸੰਗਤਾ ਦੁਆਰਾ ਚਲਾਏ ਜਾ ਰਹੇ ਭੁਲੱਥ ਵਿਖੇ ਗੁਰੂ ਨਾਨਕ ਦੇਵ ਡਾਇਲਸਿਸ ਯੂਨਿਟ ਨੂੰ ਮਰੀਜਾ ਦੀ ਵੱਧ ਰਹੀ ਗਿਣਤੀ ਨੂੰ ਦੇਖਦੇ ਹੋਏ ਭੁਲੱਥ ਤੋ ਹੀ ਸਮਾਜ ਸੇਵੀ ਮਾਸਟਰ ਕੰਵਲਜੀਤ ਮੰਨਣ ਦੇ ਯਤਨਾਂ ਨਾਲ ਉਹਨਾਂ ਦੀ ਇੰਡੋ —ਅਮਰੀਕਨ ਵੈਲਫੇਅਰ ਸ਼ੋਸ਼ਲ ਵੈਲਫੇਅਰ ਸੋਸਾਇਟੀ ਨਿਊਯਾਰਕ ਦੇ ਮੈਂਬਰ ਅਤੇ ਨਿਊਯਾਰਕ ਵਿੱਚ ਉੱਘੇ ਸਿੱਖ ਆਗੂ ਅਤੇ ਸਫਲ ਕਾਰੋਬਾਰੀ ਸ: ਰਘਬੀਰ ਸਿੰਘ ਸੁਭਾਨਪੁਰ (ਯੂ ਐਸ ਏ),ਸ ਸੁਖਜਿੰਦਰ ਸਿੰਘ ਸੁਭਾਨਪੁਰ (ਯੂ ਐਸ ਏ)ਤੇ ਪਿਤਾ ਸੂਬੇਦਾਰ ਸ ਅਜੀਤ ਸਿੰਘ ਨਾਲ ਭੁਲੱਥ ਦੇ ਯੂਨਿਟ ਪਹੁੰਚਕੇ ਆਪਣੇ ਭਰਾ ਸਵਰਗਵਾਸੀ ਸ: ਬਲਵਿੰਦਰ ਸਿੰਘ ਸੁਭਾਨਪੁਰ (ਯੂ ਐਸ ਏ)ਦੇ ਪਿਛਲੇ ਦਿਨੀ ਅਮਰੀਕਾ ਵਿੱਚ ਦਿਹਾਂਤ ਹੋ ਗਿਆ ਸੀ ਉਹਨਾਂ ਦੀ ਯਾਦ ਵਿੱਚ ਅਮਰੀਕਾ ਨਿਵਾਸੀ ਸੁਭਾਨਪੁਰ ਪਰਿਵਾਰ ਨੇ ਗੁਰੂ ਨਾਨਕ ਫ੍ਰੀ ਡਾਇਲਸਿਸ ਯੂਨਿਟ ਭੁਲੱਥ ਨੂੰ ਇੱਕ ਲੱਖਾਂ ਰੁਪਿਆ ਦੀ ਡਾਇਲਸਿਸ ਮਸ਼ੀਨ ਭੇਟ ਕੀਤੀ। ਦੱਸਣਯੋਗ ਹੈ ਕਿ ਇੰਡੋ-ਅਮੈਰਕਿਨ ਸੌ਼ਸ਼ਲ ਵੈਲਫੇਅਰ ਸੋਸਾਇਟੀ ਨਿਊਯਾਰਕ ਨੇ ਪਹਿਲਾ ਤੋ ਇਸ ਡਾਇਲਸਿਸ ਯੂਨਿਟ ਲਈ ਇਕ ਮਸ਼ੀਨ ਤੇ ਸਾਲ ਵਿੱਚ ਦੋ ਮਹੀਨੇ ਦਾ ਮਹੀਨੇਵਾਰ ਖਰਚਾ ਦੇ ਰਹੀ ਹੈ ਅਤੇ ਇਹ ਸੰਸਥਾ ਅਨੇਕਾ ਸਮਾਜ ਭਲਾਈ ਦੇ ਇਲਾਕੇ ਵਿੱਚ ਕੁੜੀਆਂ ਦੇ ਫ੍ਰੀ ਵਿਆਹ ਦਾਜ ਦਹੇਜ ਦੇਣ ਦੇ ਨਾਲ ਹੋਰ ਕਈ ਭਲਾਈ ਦੇ ਕੰਮ ਕਰ ਰਹੀ ਹੈ।ਜੋ ਹਰ ਸਾਲ ਮਾਰਚ ਦੇ ਮਹੀਨੇ ਪਹਿਲੇ ਐਤਵਾਰ ਨੂੰ ਲੋੜਵੰਦ ਧੀਆਂ ਦੇ ਵਿਆਹ ਕਰਦੇ ਹਨ ਤੇ ਲੋੜ ਅਨੁਸਾਰ ਸਮਾਨ ਵੀ ਦਿੰਦੇ ਹਨ। ਇਹ ਸੋਸਾਇਟੀ ਵਲੋ ਅਨੇਕਾ ਬੱਚਿਆ ਦੀਆ ਫੀਸਾ ਦੇਣਾ,ਸਿਹਤ ਸਹੂਲਤਾ ਦੇ ਕੈਪ ਲਗਾਉਣੇ,ਕੀਰਤਨ ਦਰਬਾਰ ਕਰਾਉਣੇ,ਖੇਡਾ ਕਰਾਉਣੀਆ ਆਦਿ ਸਲਾਘਾਯੋਗ ਹੈ।ਬਾਬਾ ਜੋਰਾਵਰ ਸਿੰਘ ਫਤਿਹ ਸਿੰਘ ਸੇਵਾ ਸੋਸਾਇਟੀ ਪ੍ਰਮਾਤਮਾ ਅੱਗੇ ਅਰਦਾਸ ਕਰਦੀ ਹੈ ਕੇ ਸਵਰਗਵਾਸੀ ਸ ਬਲਵਿੰਦਰ ਸਿੰਘ ਸੁਭਾਨਪੁਰ ਨੂੰ ਆਪਣੇ ਚਰਨਾ ਵਿੱਚ ਨਿਵਾਸ ਬਖਸ਼ਣ ਤੇ ਪਿਛੇ ਪਰਿਵਾਰ ਨੂੰ ਪ੍ਰਮਾਤਮਾ ਦਾ ਭਾਣਾ ਮੰਨਣ ਦਾ ਬਲ੍ਹ ਬਖਸ਼ਣ। ਡਾਇਲਸਿਸ ਯੂਨਿਟ ਦੀ ਮੁੱਖ ਲੋੜ ਨੂੰ ਪੂਰਾ ਕਰਨ ਲਈ ਸ ਰਘਬੀਰ ਸਿੰਘ ਸੁਭਾਨਪੁਰ ਤੇ ਉਨਾ ਦੇ ਪਰਿਵਾਰ ਦਾ ਤੇ ਮਾਸਟਰ ਕੰਵਲਜੀਤ ਮੰਨਣ ਜੀ ਦਾ ਬਹੁਤ ਬਹੁਤ ਧੰਨਵਾਦ।ਇਸ ਮੌਕੇ ਡਾਇਲਸਿਸ ਯੂਨਿਟ ਦੀ ਸੋਸਾਇਟੀ ਦੇ ਮੈਂਬਰ ਸ ਬਲਵਿੰਦਰ ਸਿੰਘ ਚੀਮਾ,ਸਰਪੰਚ ਸ ਮੋਹਨ ਸਿੰਘ ਡਾਲਾ,ਸ ਸੁਰਿੰਦਰ ਸਿੰਘ ਲਾਲੀਆ,ਡਾ ਸੁਰਿੰਦਰ ਕੱਕੜ, ਸ ਅਵਤਾਰ ਸਿੰਘ ਲਾਲੀਆ ਵੀ ਨਾਲ ਹਾਜਰ ਸਨ।
