• ਟਰੱਕ ਚ’ ਸਵਾਰ ਦੂਜਾ ਡਰਾਈਵਰ ਸੜ ਕੇ ਸਵਾਹ ਹੋ ਗਿਆ
ੳਨਟਾਰੀੳ (ਰਾਜ ਗੋਗਨਾ / ਕੁਲਤਰਨ ਪਧਿਆਣਾ )—ਬੀਤੇਂ ਦਿਨ ਉਨਟਾਰੀਓ ਕੈਨੇਡਾ ਦੇ ਹਾਈਵੇਅ 11/17 ਤੇ ਹੋਏ ਇਕ ਬੇਹੱਦ ਦਰਦਨਾਇਕ ਭਿਆਨਕ ਟਰੱਕ ਸੜਕ ਹਾਦਸੇ ਦੇ ਵਿੱਚ ਪੰਜਾਬ ਦੇ ਪਟਿਆਲਾ ਜਿਲ੍ਹੇ ‘ਚ ਆਉੰਦੇ ਸਬ -ਡਵੀਜ਼ਨ ਪਾਤੜਾਂ ਦੇ ਪਿੰਡ ਸਾਗਰਾ ਨਾਲ ਸਬੰਧਤ ਇਕ ਪੰਜਾਬੀ ਨੌਜਵਾਨ ਗੁਰਪਿੰਦਰ ਸਿੰਘ ਸਿੱਧੂ ਦੀ ਮੌਤ,ਹੋ ਗਈ ਹੈ। ਜਦ ਕਿ ਟਰੱਕ ਵਿੱਚ ਸਵਾਰ ਉਸ ਦੇ ਨਾਲ ਦੂਜਾ ਡਰਾਈਵਰ ਜੋ ਭਾਰਤ ਤੋ ਕੇਰਲਾ ਸੂਬੇ ਨਾਲ ਸਬੰਧ ਰੱਖਦਾ ਸੀ ਵੀ ਅੱਗ ਲੱਗਣ ਕਾਰਨ ਦੋਨੇ ਸੜ੍ਹਕੇ ਸਵਾਹ , ਹੋ ਗਏ । ਮ੍ਰਿਤਕ ਨੌਜਵਾਨ ਡਰਾਈਵਰ ਗੁਰਪਿੰਦਰ ਸਿੰਘ ਸਿੱਧੂ ਦਾ ਉਸੇ ਦਿਨ ਹੀ ਜਨਮਦਿਨ ਸੀ।ਦੱਸਣਯੋਗ ਹੈ ਕਿ ਹਾਈਵੇਅ 11/17 ਇੱਕ ਬੇਹੱਦ ਖਤਰਨਾਕ ਹਾਈਵੇਅ ਹੈ ਜਿੱਥੇ ਹਰ ਸਾਲ ਵੱਡੀ ਪੱਧਰ ਤੇ ਹਾਦਸੇ ਹੁੰਦੇ ਹਨ। ਗੁਰਪਿੰਦਰ ਸਿੰਘ ਸਿੱਧੂ ਸੰਨ 2017 ਵਿੱਚ ਆਪਣੇ ਉੱਜਲ ਭਵਿੱਖ ਲਈ ‘ਪੜ੍ਹਨ ਲਈ ਕੈਨੇਡਾ ਗਿਆ ਸੀ ਤੇ ਪੜ੍ਹਾਈ ਪੂਰੀ ਕਰਨ ਉਪਰੰਤ ਉਹ ਪਿਛਲੇ ਕਰੀਬ ਚਾਰ ਕੁ ਸਾਲ ਤੋਂ ਟਰੱਕ ਚਲਾ ਰਿਹਾ ਸੀ।
