ਇਨ੍ਹੀਂ ਦਿਨੀਂ ਦੇਸ਼ ਭਰ ‘ਚ ਚੰਦਰਯਾਨ-3 ਦੇ ਚੰਦਰਮਾ ‘ਤੇ ਸਫਲ ਲੈਂਡਿੰਗ ਨੂੰ ਲੈ ਕੇ ਚਰਚਾ ਹੈ। ਇਸ ਦੌਰਾਨ ਕਰੌਲੀ ਦੇ ਇਕ ਨੌਜਵਾਨ ਨੇ ਚੰਦਰਮਾ ‘ਤੇ ਜ਼ਮੀਨ ਖਰੀਦੀ ਹੈ ਅਤੇ ਰੱਖੜੀ ‘ਤੇ ਆਪਣੀ ਭੈਣ ਨੂੰ ਤੋਹਫੇ ‘ਚ ਦਿੱਤੀ ਹੈ। ਕਰੌਲੀ ਦੇ ਹੋਲੀ ਖਿੜਕੀਆ ਦੇ ਰਹਿਣ ਵਾਲੇ ਤਰੁਣ ਅਗਰਵਾਲ ਨੇ ਚੰਦ ‘ਤੇ ‘ਲੇਕ ਆਫ ਹੈਪੀਨੇਸ’ ਦੇ ਕੋਲ ਦੋ ਏਕੜ ਜ਼ਮੀਨ ਖਰੀਦੀ ਅਤੇ ਇਸ ਰੱਖੜੀ ‘ਤੇ ਆਪਣੀਆਂ ਦੋ ਭੈਣਾਂ ਸੋਨੀਆ ਅਤੇ ਪ੍ਰਿਅੰਕਾ ਨੂੰ ਤੋਹਫੇ ਵਜੋਂ ਦਿੱਤੀ। ਦੋਵੇਂ ਭੈਣਾਂ ਇਸ ਅਨੋਖੇ ਤੋਹਫੇ ਨੂੰ ਲੈ ਕੇ ਬਹੁਤ ਖੁਸ਼ ਹਨ।
ਸੰਭਾਵਤ ਤੌਰ ‘ਤੇ ਰਾਜਸਥਾਨ ‘ਚ ਚੰਦਰਮਾ ‘ਤੇ ਜ਼ਮੀਨ ਖਰੀਦਣ ਦਾ ਇਹ ਚੌਥਾ ਅਤੇ ਕਰੌਲੀ ਜ਼ਿਲੇ ‘ਚ ਪਹਿਲਾ ਮਾਮਲਾ ਹੈ। ਤਰੁਣ ਨੇ ਦੱਸਿਆ ਕਿ ਉਸ ਦਾ ਵਿਚਾਰ ਇਸ ਰੱਖੜੀ ‘ਤੇ ਆਪਣੀਆਂ ਦੋ ਭੈਣਾਂ ਨੂੰ ਇਕ ਕੀਮਤੀ ਅਤੇ ਯਾਦਗਾਰ ਤੋਹਫਾ ਦੇਣ ਦਾ ਸੀ। ਜਿਸ ਤੋਂ ਬਾਅਦ ਉਸ ਨੇ ਚੰਦ ‘ਤੇ ਜ਼ਮੀਨ ਖਰੀਦਣ ਬਾਰੇ ਸੋਚਿਆ। ਰੱਖੜੀ ਵਾਲੇ ਦਿਨ ਤਰੁਣ ਨੇ ਚੰਦਰਮਾ ‘ਤੇ ਦੋ ਏਕੜ ਜ਼ਮੀਨ ਆਪਣੀਆਂ ਭੈਣਾਂ ਦੇ ਨਾਂ ‘ਤੇ ਖਰੀਦ ਕੇ ਦੋਵਾਂ ਭੈਣਾਂ ਨੂੰ ਤੋਹਫੇ ‘ਚ ਦਿੱਤੀ ਹੈ।
