ਵੀਰਵਾਰ 24 ਅਗਸਤ ਨੂੰ ਅਜ਼ਰਬਾਈਜਾਨ ਦੇ ਬਾਕੂ ਵਿੱਚ ਹੋਏ ਮਹਿਲਾ ਟਰੈਪ ਫਾਈਨਲ ਵਿੱਚ ਰਾਜੇਸ਼ਵਰੀ ਕੁਮਾਰੀ ਨੇ ਪੰਜਵਾਂ ਸਥਾਨ ਹਾਸਲ ਕੀਤਾ। ਰਾਜੇਸ਼ਵਰੀ ਕੁਮਾਰੀ ਨੇ ਪੈਰਿਸ 2024 ਓਲੰਪਿਕ ਖੇਡਾਂ ਲਈ ਇਸ ਕੁਆਲੀਫਾਇੰਗ ਈਵੈਂਟ ਵਿੱਚ ਨਿਸ਼ਾਨੇਬਾਜ਼ੀ ਵਿੱਚ ਸੱਤਵਾਂ ਕੋਟਾ ਹਾਸਲ ਕੀਤਾ।
ਖੇਡ ਮੰਤਰੀ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਨਿਸ਼ਾਨੇਬਾਜ਼ ਰਾਜੇਸ਼ਵਰੀ ਕੁਮਾਰੀ ਨੂੰ ਅਗਲੇ ਸਾਲ ਹੋਣ ਵਾਲੀਆਂ ਪੈਰਿਸ ਓਲੰਪਿਕ ਖੇਡਾਂ ਲਈ ਕੁਆਲੀਫਾਈ ਕਰਨ ਲਈ ਵਧਾਈ ਦਿੱਤੀ ਹੈ। ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਮਹਿਲਾ ਟਰੈਪ ਈਵੈਂਟ ਵਿੱਚ ਪੰਜਵੇਂ ਸਥਾਨ ’ਤੇ ਰਹਿ ਕੇ ਪੈਰਿਸ ਓਲੰਪਿਕ ਲਈ ਕੁਆਲੀਫਾਈ ਕੀਤਾ।
ਉਹ ਸ਼ਗੁਨ ਚੌਧਰੀ ਤੋਂ ਬਾਅਦ ਮਹਿਲਾ ਟਰੈਪ ਈਵੈਂਟ ਵਿੱਚ ਓਲੰਪਿਕ ਕੋਟਾ ਹਾਸਲ ਕਰਨ ਵਾਲੀ ਦੂਜੀ ਭਾਰਤੀ ਬਣ ਗਈ। ਫਾਈਨਲ ਵਿੱਚ ਉਹ 30 ਸ਼ਾਟ ਵਿੱਚ ਸਿਰਫ਼ 19 ਅੰਕ ਹੀ ਬਣਾ ਸਕੀ। ਫਾਈਨਲ ਤੋਂ ਬਾਅਦ ਉਸ ਨੇ ਇੱਕ ਨਿਊਜ਼ ਏਜੰਸੀ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਮੈਂ ਬਹੁਤ ਚੰਗਾ ਮਹਿਸੂਸ ਕਰ ਰਹੀ ਹਾਂ। ਇਹ ਸ਼ਾਨਦਾਰ ਹੈ। ਆਖਿਰ ਕੋਟਾ ਮਿਲ ਗਿਆ। ਕਾਸ਼ ਮੈਂ ਤਮਗਾ ਵੀ ਜਿੱਤ ਸਕਦੀ ਪਰ ਚੰਗਾ ਲੱਗ ਰਿਹਾ ਹੈ।
