ਜਲੰਧਰ ਸ਼ਹਿਰ ਵਿਚ ਖਾਣ-ਪੀਣ ਦੇ ਸਾਮਾਨ ਤੋਂ ਅਜੀਬ-ਗਰੀਬ ਚੀਜ਼ਾਂ ਨਿਕਲਣ ਦਾ ਸਿਲਸਿਲਾ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ। ਪਹਿਲਾਂ ਨਾਨ ਤੇ ਛੋਲੇ ਦੀ ਸਬਜ਼ੀ ਤੋਂ ਸੁੰਡੀਆਂ ਨਿਕਲੀਆਂ ਸਨ। ਇਸ ਦੇ ਬਾਅਦ ਨੂਡਲਸ ਵਿਚ ਬਿੱਛੂ ਨਿਕਲਿਆ ਸੀ। ਹੁਣ ਨਵਾਂ ਮਾਮਲਾ ਨੂਡਲਸ ਵਿਚੋਂ ਚੂਹਾ ਨਿਕਲਣ ਦਾ ਸਾਹਮਣੇ ਆਇਆ ਹੈ। ਮਾਮਲਾ ਸ਼ਹਿਰ ਦੇ ਮਾਤਾ ਰਾਣੀ ਚੌਕ ‘ਤੇ ਮਾਡਲ ਹਾਊਸ ਰੋਡ ਦਾ ਹੈ।
ਚੌਕ ਕੋਲ ਰਹਿਣ ਵਾਲੇ ਨਵੀਨ ਨੇ ਦੱਸਿਆ ਕਿ ਉਸ ਦੇ ਵੱਡੇ ਭਰਾ ਦਾ ਜਨਮਦਿਨ ਸੀ। ਉਨ੍ਹਾਂ ਨੇ ਕੇਕ ਕੱਟਣ ਦੇ ਬਾਅਦ ਘਰ ‘ਤੇ ਨੂਡਲਸ ਦਾ ਆਰਡਰ ਦਿੱਤਾ। ਹੁਣ ਨੂਡਲਸ ਪਲੇਟਾਂ ਵਿਚ ਪਾ ਕੇ ਖਾ ਰਹੇ ਸਨ ਤਾਂ ਅਚਾਨਕ ਚੂਹੇ ਦਾ ਬੱਚਾ ਦਿਖਾਈ ਦਿੱਤਾ। ਘਰ ਵਿਚ ਉਨ੍ਹਾਂ ਦੀ ਭਾਬੀ ਨੇ ਕੁਝ ਨੂਡਲਸ ਖਾ ਲਏ ਸਨ ਜਿਵੇਂ ਹੀ ਉਨ੍ਹਾਂ ਨੂੰ ਪਤਾ ਲੱਗਾ ਇਸ ਵਿਚ ਚੂਹਾ ਸੀ ਤਾਂ ਉਨ੍ਹਾਂ ਦੀ ਸਿਹਤ ਵਿਗੜ ਗਈ। ਉਨ੍ਹਾਂ ਨੂੰ ਹਸਪਤਾਲ ਭਰਤੀ ਕਰਵਾਇਆ ਗਿਆ।
ਮਾਤਾ ਰਾਣੀ ਚੌਕ ਕੋਲ ਮਾਡਲ ਹਾਊਸ ਰੋਡ ‘ਤੇ ਜਿਸ ਦੁਕਾਨ ਤੋਂ ਨੂਡਲਸ ਮੰਗਵਾਏ ਸਨ, ਨਵੀਨ ਨੂਡਲਸ ਲੈ ਕੇ ਉਸ ਦੁਕਾਨਦਾਰ ਕੋਲ ਪਹੁੰਚਿਆ। ਪਹਿਲਾਂ ਤਾਂ ਦੁਕਾਨਦਾਰ ਨਹੀਂ ਮੰਨਿਆ ਪਰ ਬਾਅਦ ਵਿਚ ਨੌਜਵਾਨ ਨੇ ਸਾਰੇ ਵੀਡੀਓ ਦਿਖਾਏ ਤਾਂ ਦੁਕਾਨਦਾਰ ਮੰਨ ਗਿਆ।
ਦੁਕਾਨਦਾਰ ਨੇ ਕਿਹਾ ਕਿ ਹੋ ਸਕਦਾ ਹੈ ਕਿ ਕਿਤੇ ਗਲਤੀ ਨਾਲ ਕੋਈ ਚੂਹੇ ਦਾ ਬੱਚਾ ਆ ਗਿਆ ਹੈ।ਇਸਦੇ ਬਾਅਦ ਦੁਕਾਨਦਾਰ ਨੇ ਮਾਮਲੇ ਨੂੰ ਠੰਡਾ ਕਰਨ ਲਈ ਨਵੀਨ ਨੂੰ ਕਿਹਾ ਕਿ ਜੋ ਵੀ ਘਰ ਦੇ ਲੋਕ ਨੂਡਲਸ ਖਾਣ ਤੋਂ ਬੀਮਾਰ ਹੋਏ ਹਨ, ਉਨ੍ਹਾਂ ਦੇ ਇਲਾਜ ਦਾ ਸਾਰਾ ਖਰਚ ਉਹ ਭਰੇਗਾ।
