ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਹੱਤਿਆਕਾਂਡ ਦੇ ਦੋਸ਼ੀ ਗੈਂਗਸਟਰ ਲਾਰੇਂਸ ਬਿਸ਼ਨੋਈ ਨੂੰ ਗੁਜਰਾਤ ਲਿਜਾਇਆ ਗਿਆ ਹੈ।ਗੁਜਰਾਤ ਪੁਲਿਸ ਲਾਰੇਂਸ ਨੂੰ ਬਠਿੰਡਾ ਜੇਲ੍ਹ ਤੋਂ ਪ੍ਰੋਡਕਸ਼ਨ ਵਾਰੰਟ ‘ਤੇ ਨਾਲ ਲੈ ਗਈ ਹੈ।ਪੁਲਿਸ ਉਸ ਤੋਂ ਗੁਜਰਾਤ ‘ਚ ਦਰਜ ਹੈਰੋਇਨ ਸਬੰਧੀ ਐਨਡੀਪੀਐਸ ਦੇ ਇਕ ਕੇਸ ‘ਚ ਪੁੱਛਗਿੱਛ ਕਰੇਗੀ।
ਦੱਸ ਦੇਈਏ ਕਿ ਗੈਂਗਸਟਰ ਲਾਰੇਂਸ ਬਿਸ਼ਨੋਈ ਨੂੰ ਸਖਤ ਸੁਰੱਖਿਆ ਵਿਚਾਲੇ ਮੋਹਾਲੀ ਸਥਿਤ ਸ਼ਹੀਦ ਭਗਤ ਸਿੰਘ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਹਵਾਈ ਜਹਾਜ਼ ਰਾਹੀਂ ਲਿਜਾਇਆ ਗਿਆ ਹੈ।ਪੁਲਿਸ ਟੀਮ ਬੀਤੇ ਕੱਲ੍ਹ ਲਾਰੇਂਸ ਨੂੰ ਚਾਰੇ ਪਾਸੇ ਤੋਂ ਘੇਰ ਕੇ ਦੁਪਹਿਰ ਸਾਢੇ 3 ਵਜੇ ਮੋਹਾਲੀ ਏਅਰਪੋਰਟ ਪਹੁੰਚੀ।ਫਿਰ ਸ਼ਾਮ 7 ਵਜੇ ਦੀ ਫਲਾਈਟ ਤੋਂ ਉਸ ਨੂੰ ਗੁਜਰਾਤ ਲਿਜਾਇਆ ਗਿਆ ਹੈ।ਹੈਰਾਨੀ ਦੀ ਗੱਲ ਇਹ ਹੈ ਕਿ ਗੈਂਗਸਟਰ ਲਾਰੇਂਸ ਪੁਲਿਸ ਘੇਰੇ ‘ਚ ਮੋਹਾਲੀ ਏਅਰਪੋਰਟ ‘ਤੇ ਇੰਝ ਪਹੁੰਚਿਆ ਜਿਵੇਂ ਕੋਈ ਫ਼ਿਲਮ ਸੈਲੇਬ੍ਰਿਟੀ ਹੁੰਦਾ।
