ਭੁਲੱਥ, (ਅਜੈ ਗੋਗਨਾ/ ਧਵਨ )— ਇੱਥੋਂ ਦੇ ਨੇੜਲੇ ਪਿੰਡ ਭਗਵਾਨਪੁਰ ਵਿਖੇ ਦਰਗਾਹ ਪੀਰ ਬਾਬਾ ਫਲਾਹੀ ਵਾਲੇ ਜੀ ਦਾ ਸਲਾਨਾ ਮੇਲਾ 21 ਜੁਲਾਈ ਦਿਨ ਵੀਰਵਾਰ ਨੂੰ ਹਰ ਸਾਲ ਦੀ ਤਰ੍ਹਾਂ ਬੜੀ ਸਰਧਾ ਭਾਵਨਾ ਅਤੇ ਧੂਮ ਧਾਮ ਨਾਲ ਕਰਵਾਇਆ ਜਾ ਰਿਹਾ ਹੈ।ਇਹ ਮੇਲਾ ਸਮੂਹ ਪਿੰਡ ਨਿਵਾਸੀਆਂ ਅਤੇ ਐਨ.ਆਰ.ਆਈਜ ਭਰਾਵਾਂ ਦੇ ਸਾਂਝੇ ਸਹਿਯੋਗ ਸਦਕਾ ਕਰਾਇਆ ਜਾਦਾ ਹੈ।ਇਸ ਦੀ ਜਾਣਕਾਰੀ ਦਿੰਦੇ ਮੇਲਾ ਪ੍ਰਬੰਧਕ ਨਿਸ਼ਾਨ ਸਿੰਘ ਨੇ ਦੱਸਿਆ ਕਿ ਦਰਗਾਹ ਤੇ ਦੂਰ ਨੇੜੇਉ ਭਾਰੀ ਗਿਣਤੀ ਚ’ ਸੰਗਤ ਆ ਕੇ ਨਤਮਸਤਕ ਹੁੰਦੀ ਹੈ। ਅਤੇ ਇਸ ਵਾਰ ਪੰਜਾਬ ਦੇ ਮਸੂਹਰ ਲੋਕ ਗਾਇਕ ਕਨਵਰ ਗਰੇਵਾਲ, ਸੁੱਖ ਜਿੰਦ, ਗੁਰਦਾਸ ਸੰਧੂ, ਸੋਨੂੰ ਸੂਫੀ ਕਲਾਕਾਰ ਮੇਲੇ ਵਿੱਚ ਆਪਣੀ ਹਾਜਰੀ ਭਰਨਗੇ। ਅਤੇ ਸੱਭਿਆਚਾਰਕ ਤੇ ਧਾਰਮਿਕ ਗੀਤਾਂ ਦੇ ਰੰਗ ਪੇਸ਼ ਕਰਕੇ ਲੋਕਾ ਦਾ ਮੰਨੋਰੰਜਨ ਕਰਨਗੇ।ਇਸ ਤੋ ਇਲਾਵਾ ਮੇਲੇ ਵਾਲੇ ਦਿਨ ਸਵੇਰੇ 9:00 ਤੋ ਦੁਪਹਿਰ 12 :00 ਵਜੇ ਤੱਕ ਸਰੀਰ ਦਾ ਮੈਡੀਕਲ ਟੈਸਟ ਜਿਵੇ ਕਿ ਸੂਗਰ, ਇਨਫੈਕਸ਼ਨ, ਸੈਲ, ਕਾਲਾ ਪੀਲੀਆ, ਹੈਪਟਾਈਟਸ ਬੀ, ਸਿਫਿਲਿਸ ਟੈਸਟ ਮੁਫਤ ਕੀਤੇ ਜਾਣਗੇ ਅਤੇ ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਜਾਵੇਗਾ। ਇਸ ਮੋਕੇ ਨਿਸ਼ਾਨ ਸਿੰਘ ਅਤੇ ਸਮੂਹ ਪ੍ਰਬੰਧਕ ਕਮੇਟੀ ਵੱਲੋਂ ਇਲਾਕੇ ਦੀ ਸੰਗਤ ਨੂੰ ਮੇਲੇ ਵਿੱਚ ਪਹੁੰਚਣ ਲਈ ਖੁੱਲਾ ਸੱਦਾ ਦਿੱਤਾ ਹੈ।
