ਲੁਧਿਆਣਾ (ਰਛਪਾਲ ਸਹੋਤਾ) ਜਰਨਲਿਸਟ ਪ੍ਰੈੱਸ ਕਲੱਬ (ਰਜਿਸਟਰਡ) ਪੰਜਾਬ ਯੂਨਿਟ ਲੁਧਿਆਣਾ ਐਕਸ਼ਨ ਕਮੇਟੀ ਦੇ ਇੰਚਾਰਜ ਦਵਿੰਦਰ ਰਾਜਪੂਤ ਵੱਲੋਂ ਜੱਸਾ ਰਾਜਪੂਤ ਦੀ ਆਈ ਮੁਸ਼ਕਿਲ ਨੂੰ ਜਰਨਲਿਸਟ ਪ੍ਰੈੱਸ ਕਲੱਬ ਰਜਿਸਟਰਡ ਪੰਜਾਬ ਦੇ ਨਿਯਮਾਂ ਅਨੁਸਾਰ ਆਪਣੇ ਪੱਤਰਕਾਰ ਭਾਈਚਾਰੇ ਨੂੰ ਨਾਲ ਲੈ ਕੇ ਨਗਰ ਨਿਗਮ ਲੁਧਿਆਣਾ ਜ਼ੋਨ ਬੀ ਦੇ ਵੱਖ-ਵੱਖ ਅਧਿਕਾਰੀਆਂ ਓ ਐਂਡ ਐੱਮ ਸੈੱਲ ਦੇ ਐਕਸੀਅਨ ਰਣਬੀਰ ਸਿੰਘ, ਤਹਿ ਬਜ਼ਾਰੀ ਸੁਪਰਡੈਂਟ ਅਤੇ ਸਹਿਤ ਵਿਭਾਗ ਦੇ ਸੈਨੇਟਰੀ ਇੰਸਪੈਕਟਰ ਗੁਰਮੇਲ ਸਿੰਘ ਨਾਲ ਗੱਲਬਾਤ ਕਰਦੇ ਹੋਏ ਅਲੱਗ-ਅਲੱਗ ਇਲਾਕਿਆਂ ਜਿਵੇ ਕਿ ਮਾਇਆ ਪੁਰੀ,ਜਨਕ ਪੁਰੀ,ਸੁਭਾਸ਼ ਨਗਰ,ਹਰੀ ਕਰਤਾਰ ਕਲੋਨੀ,ਗਨੇਸ਼ ਨਗਰ ਅਤੇ ਰਾਹੋ ਰੋਡ ਵਿੱਚ ਆ ਰਹੀਆ ਮੁਸ਼ਕਲਾਂ ਜਿਵੇਂ ਕਿ ਸੀਵਰੇਜ,ਰੇੜੀਆਂ ਫੜੀਆ, ਅਤੇ ਕੂੜਾ ਕਰਕਟ ਦੀਆਂ ਆ ਰਹੀਆ ਸਮੱਸਿਆ ਤੋਂ ਜਾਣੂ ਕਰਵਾਇਆ ਅਤੇ ਇਹਨਾ ਸਮੱਸਿਆ ਨੂੰ ਮੌਕੇ ਤੇ ਮੁਲਾਜਮਾਂ ਨੂੰ ਭੇਜ ਕੇ ਹੱਲ ਕਰਨ ਲਈ ਕਿਹਾ ਗਿਆ ।ਨਗਰ ਨਿਗਮ ਜੋਨ-ਬੀ ਸਾਰੇ ਅਧਿਕਾਰੀਆ ਵੱਲੋਂ ਭਰੋਸਾ ਦਿਵਾਉਂਦੇ ਹੋਏ ਕਿਹਾ ਕਿ ਜਲਦੀ ਤੋਂ ਜਲਦੀ ਅੱਜ ਸ਼ਾਮ ਤੱਕ ਇਨ੍ਹਾਂ ਸਮੱਸਿਆ ਨੂੰ ਹੱਲ ਕੀਤਾ ਜਾਵੇਗਾ,ਤਾਂ ਜੋ ਬਰਸਾਤ ਦੇ ਮੌਸਮ ਵਿੱਚ ਲੋਕ ਬੀਮਾਰੀਆਂ ਤੋਂ ਬਚ ਸਕਣ ਅਤੇ ਚੰਗੀ ਸਿਹਤ ਦੇ ਹੱਕਦਾਰ ਰਹਿਣ। ਦੱਸਿਆ ਜਾਂਦਾ ਹੈ ਕਿ ਜਰਨਲਿਸਟ ਪ੍ਰੈੱਸ ਕਲੱਬ ਰਜਿਸਟਰਡ ਪੰਜਾਬ ਲੁਧਿਆਣਾ ਯੂਨਿਟ ਇਸੇ ਤਰ੍ਹਾਂ ਪੂਰੀ ਇਮਾਨਦਾਰੀ ਅਤੇ ਭਰੋਸੇਯੋਗ ਕੰਮਾਂ ਨਾਲ ਅਤੇ ਪੂਰੀ ਨਿਸ਼ਠਾ ਨਾਲ ਆਪਣਾ ਫਰਜ਼ ਨਿਭਾਏਗਾ।
