ਰਈਆ (ਕਮਲਜੀਤ ਸੋਨੂੰ) —ਅੱਜ ਰਈਆ ਵਿਖੇ ਇੱਕ ਪ੍ਰੀਵਾਰ ਨੇ ਆਪਣੀ ਨੂੰਹ ਦੇ ਪੇਕੇ ਪਰਿਵਾਰ ਵਲੋਂ ਉਨ੍ਹਾਂ ਦੀ ਕੁੱਟ ਮਾਰ ਕੀਤੇ ਜਾਣ ਦਾ ਦੋਸ਼ ਲਾਇਆ ਹੈ।ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਰਾਮ ਕੁਮਾਰ ਪੁੱਤਰ ਕਿਸ਼ਨ ਚੰਦ ਵਾਸੀ ਲਵਲੀ ਸਵੀਟ ਵਾਲੀ ਗਲੀ ਰਈਆ ਨੇ ਦੱਸਿਆ ਕਿ ਮੇਰੇ ਭਤੀਜਾ ਪਾਰਸ ਟਾਂਗਰੀ ਦਾ ਵਿਆਹ ਜਨਵਰੀ 2022 ਵਿੱਚ ਤਰਨ ਤਾਰਨ ਦੇ
ਪੁਲੀਸ ਮੁਲਾਜਮ ਲਖਬੀਰ ਚੰਦ ਦੀ ਲੜਕੀ ਸੋਨੀਆ ਨਾਲ ਹੋਇਆ ਸੀ ।ਅੱਜ ਮੇਰੀ ਭਰਜਾਈ ਗੀਤਾ ਰਾਣੀ ਤੇ ਉਸ ਦੀ ਨੂੰਹ ਸੋਨੀਆ ਨਾਲ ਮਾਮੂਲੀ ਕਹਾ ਸੁਣੀ ਹੋ ਗਈ।ਇਸੇ ਦੌਰਾਨ ਸੋਨੀਆ ਨੇ ਫੋਨ ਕਰਕੇ ਆਪਣੇ ਮਾਪਿਆਂ ਨੂੰ ਸੱਦ ਲਿਆ।ਲੜਕੀ ਦੇ ਪਿਤਾ ਲਖਬੀਰ ਚੰਦ,ਉਸ ਦੀ ਪਤਨੀ ਸਨੀਤਾ ਤੇ ਉਸਦੇ ਦੇ ਲੜਕੇ ਪ੍ਰਦੀਪ ਕੁਮਾਰ ਨੇ ਸਾਡੇ ਘਰ ਆਉਂਦੇ ਹੀ ਕਥਿਤ ਤੌਰ ਸਾਡੇ ਪ੍ਰੀਵਾਰ ਤੇ ਹਮਲਾ ਕਰ ਦਿੱਤਾ ਜਿਸ ਨਾਲ ਮੇਰੀ ਭਰਜਾਈ ਗੀਤਾ ਰਾਣੀ ਤੇ ਭਤੀਜਾ ਪਾਰਸ ਜਖਮੀ ਹੋ ਗਏ।ਇਸੇ ਦੌਰਾਨ ਉਨ੍ਹਾਂ ਨੇ ਮੇਰੇ ਬਜੁਰਗ ਪਿਤਾ ਤੇ ਛੋਟੇ ਭਤੀਜੇ ਲਵੀਸ਼ ਦੀ ਵੀ ਕੁੱਟ ਮਾਰ ਕਰ ਦਿਤੀ।ਉਸ ਨੇ ਦੱਸਿਆ ਕਿ ਗੀਤਾ ਰਾਣੀ ਤੇ ਪਾਰਸ ਦੇ ਸੱਟਾਂ
ਜਿਆਦੀਆਂ ਹੋਣ ਕਰਕੇ ਉਨ੍ਹਾਂ ਨੂੰ ਸਿਵਲ ਹਸਪਤਾਲ ਬਾਬਾ ਬਕਾਲਾ ਵਿਖੇ ਦਾਖਲ
ਕਰਾਇਆ ਗਿਆ ਹੈ।ਇਸ ਦੀ ਸੂਚਨਾ ਸਥਾਨਕ ਪੁਲੀਸ ਨੂੰ ਦੇ ਦਿਤੀ ਗਈ ਹੈ।ਇੰਨ੍ਹਾਂ ਨੇ ਦੋਸ਼ੀਆਂ ਖਿਲਾਫ ਸਖਤ ਕਾਰਵਾਈ ਦੀ ਮੰਗ ਕੀਤੀ ਹੈ।ਜਦ ਇਸ ਸੰਬੰਧੀ ਚੌਂਕੀ ਇੰਚਾਰਜ ਰਘਬੀਰ ਸਿੰਘ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਇੰਨਾਂ ਦਾ ਜੋਆਪਸੀ ਝਗੜਾ ਹੋਇਆ ਹੈ ਉਸ ਸੰਬੰਧੀ ਸਾਡੇ ਕੋਲ ਦੋਹਾਂ ਧਿਰਾਂ ਦੀਆਂ ਦਰਖਾਸਤਾਂ ਆਈਆਂ ਹਨ ਇਸ ਸਬੰਧੀ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
