ਘਰੇਲੂ ਗੈਸ ਦਾ ਬਿੱਲ ਪੂਰੇ ਵਿਕਟੋਰੀਆ ਵਿਚ ਘੱਟੋ-ਘੱਟ $150 ਤਕ ਵਧਣ ਦੇ ਆਸਾਰ ਬਣ ਗਏ ਨੇ। ਵਿਸ਼ਲੇਸ਼ਕ ਤੇ ਸਮਾਜਕ ਸੇਵਾ ਗਰੁੱਪ ਥੋਕ ਲਾਗਤਾਂ ਵਧਾਉਣ ਵਾਲੇ ਬਿੱਲ ਦੇ ਝਟਕਿਆਂ ਬਾਰੇ ਚੇਤਾਵਨੀ ਦੇ ਰਹੇ ਹਨ। ਬਹੁਤ ਸਾਰੇ ਰਿਟੇਲਰ ਇਸ ਸਾਲ ਦੇ ਅਖ਼ੀਰ ਤਕ ਇਹ ਵਿੱਤੀ ਹੱਲਾ ਕਰਨਗੇ। ਇਸ ਨਾਲ ਟੈਰਿਫ ਵਿਚ 10-20 ਫੀਸਦ ਵਾਧਾ ਹੋਣ ਦਾ ਖ਼ਦਸ਼ਾ ਹੈ।
ਯੂਕਰੇਨ ਵਿਚ ਰੂਸੀ ਹਾਕਮਾਂ ਵੱਲੋੰ ਥੋਪੀ ਜੰਗ, ਐਲ ਐਨ ਜੀ ਤੇ ਕੋਲੇ ਲਈ ਕੌਮਾਂਤਰੀ ਮੁਕਾਬਲੇ ਦੇ ਨਾਲ-ਨਾਲ ਹੁਣੇ ਜਿਹੇ, ਪਾਵਰ ਸਟੇਸ਼ਨ ਬੰਦ ਹੋਣ ਕਾਰਨ ਗੈਸ ਦੀਆਂ ਕੀਮਤਾਂ ਵਿਚ ਵਾਧਾ ਹੋਇਆ ਸੀ।
ਆਸਟ੍ਰੇਲੀਅਨ ਸੇਵਾ ਗਰੁੱਪ ਨੇ ‘ਰਿਆਇਤ ਕਾਰਡ ਧਾਰਕਾਂ’ ਨੂੰ ਪਹਿਲੀ ਮਈ ਤੋਂ ਅਕਤੂਬਰ ਤਕ ਸਰਦੀਆਂ ਦੀਆਂ 17.5 ਪ੍ਰਤੀਸ਼ਤ ਛੋਟਾਂ ਲਈ ਸਾਈਨ ਅੱਪ ਕਰਨ ਦੀ ਅਪੀਲ ਕੀਤੀ ਹੈ।
