ਚੰਡੀਗੜ (ਪ੍ਰੀਤਮ ਲੁਧਿਆਣਵੀ), –ਸਾਹਿਤਕ ਤੇ ਸੱਭਿਆਚਾਰਕ ਹਲਕਿਆਂ ਵਿਚ ਗੀਤਕਾਰ ਤੇ ਗਾਇਕ ਹਰੀਪਾਲ ਹੈਰੀ ਤਕਰੀਬਨ ਇੱਕ ਸਾਲ ਤੋਂ ਆਪਣੇ ਗੀਤਾਂ ਤੇ ਗਾਇਕੀ ਨਾਲ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕਰਦਾ ਮੰਜ਼ਲ ਵੱਲ ਸਰਗਰਮ ਕਦਮੀਂ ਵਧਦਾ ਜਾ ਰਿਹਾ ਹੈ। ਉਸ ਦੇ ਲਿਖੇ ਤੇ ਗਾਏ ਗੀਤ ‘ਮਾਂ’ ਤੇ ‘ਉਨਾਂ ਕਰਕੇ’ ਨੂੰ ਦਰਸ਼ਕਾਂ ਵੱਲੋਂ ਭਰਵਾਂ ਹੁੰਗਾਰਾ ਦਿੱਤਾ ਗਿਆ ਹੈ। ਇਸੇ ਆਸ ’ਤੇ ਹਰੀਪਾਲ ਹੈਰੀ ਇੱਕ ਵਾਰ ਫਿਰ ਆਪਣੇ ਨਵੇਂ ਗੀਤ ‘ਮੇਰਾ ਪਿੰਡ’ ਨਾਲ ਦਰਸ਼ਕਾਂ ਦੀ ਕਚਿਹਰੀ ਵਿੱਚ ਹਾਜਰ ਹੋ ਰਿਹਾ ਹੈ। ਜਿਸ ਦਾ ਖੂਬਸੂਰਤ ਸੰਗੀਤ ਸੈਂਕੜੇ ਹੀ ਗੀਤਾਂ ਨੂੰ ਸ਼ਿੰਗਾਰਨ ਵਾਲੇ ਮਿਊਜ਼ਿਕ ਡਾਇਰੈਕਟਰ ਵਿਜੇ ਸ਼ੌਕਤ ਜੀ ਨੇ ਬੜੀ ਰੂਹ ਨਾਲ ਤਿਆਰ ਕੀਤਾ ਹੈ।
ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਗੀਤਕਾਰ ਤੇ ਕਹਾਣੀਕਾਰ ਸੁਰਿੰਦਰ ਜੱਕੋਪੁਰੀ ਨੇ ਦੱਸਿਆ ਕਿ ਇਹ ਗੀਤ ਦਰਸ਼ਕਾਂ ਨੂੰ ਇੱਕ ਖੂਬਸੂਰਤ ਵੀਡੀਓ ਦੇ ਨਾਲ ਦੇਖਣ ਤੇ ਸੁਣਨ ਨੂੰ 3 ਜੂਨ 2022 ਨੂੰ ਮਿਲੇਗਾ। ਇਸ ਗੀਤ ਨੂੰ ਤਿਆਰ ਕਰਨ ਲਈ ਸਾਰੀ ਟੀਮ ਨੇ ਜੀ-ਜਾਨ ਨਾਲ ਮਿਹਨਤ ਕੀਤੀ ਹੈ। ਟੀਮ ਨੂੰ ਪੂਰੀ ਉਮੀਦ ਹੈ ਕਿ ਦਰਸ਼ਕਾਂ ਦੀ ਕਸੌਟੀ ’ਤੇ ਇਹ ਗੀਤ ਜਰੂਰ ਖਰਾ ਉੱਤਰਦਾ ਹੋਇਆ ਸਮੁੱਚੀ ਟੀਮ ਨੂੰ ਬੁਲੰਦੀਆਂ ਵੱਲ ਲਿਜਾਣ ਲਈ ਖੂਬ ਸਹਾਈ ਹੇਵੇਗਾ।
