ਦੁਨੀਆ ਵਿੱਚ ਬਹੁਤ ਸਾਰੀਆਂ ਅਜਿਹੀਆਂ ਵੱਡੀਆਂ ਇਮਾਰਤਾਂ ਹਨ, ਜੋ ਇੰਜੀਨੀਅਰਿੰਗ ਦੀ ਸਭ ਤੋਂ ਵਧੀਆ ਮਿਸਾਲ ਪੇਸ਼ ਕਰਦੀਆਂ ਹਨ। ਇਹ ਆਪਣੀ ਉਚਾਈ ਲਈ ਜਾਣੀਆਂ ਜਾਂਦੀਆਂ ਹੈ। ਅਮਰੀਕਾ ਦੇ ਨਿਊਯਾਰਕ ਵਿੱਚ ਵੀ ਕਈ ਉੱਚੀਆਂ ਇਮਾਰਤਾਂ ਹਨ।
ਅਮਰੀਕੀ ਸ਼ਹਿਰ ਨਿਊਯਾਰਕ ਆਪਣੀਆਂ ਉੱਚੀਆਂ ਇਮਾਰਤਾਂ ਲਈ ਜਾਣਿਆ ਜਾਂਦਾ ਹੈ। ਨਿਊਯਾਰਕ ‘ਚ ਸਟੀਨਵੇ ਟਾਵਰ ਨਾਂ ਦੀ ਇਮਾਰਤ ਹੈ, ਜੋ ਆਪਣੇ ਵਿਲੱਖਣ ਡਿਜ਼ਾਈਨ ਲਈ ਜਾਣੀ ਜਾਂਦੀ ਹੈ।
ਸਟੀਨਵੇ ਟਾਵਰ ਦੀਆਂ ਕੁੱਲ 91 ਮੰਜ਼ਿਲਾਂ ਹਨ ਅਤੇ ਦੁਨੀਆ ਦੀ ਸਭ ਤੋਂ ਪਤਲੀ ਇਮਾਰਤ ਹੋਣ ਦਾ ਰਿਕਾਰਡ ਰੱਖਦਾ ਹੈ। ਇਹ ਇੰਨੀ ਪਤਲੀ ਹੈ ਕਿ ਤੇਜ਼ ਹਵਾ ਦੇ ਬੁੱਲੇ ਨਾਲ ਵੀ ਹਿੱਲਣ ਲੱਗਦੀ ਹੈ।
ਇਸ ਦਾ ਡਿਜ਼ਾਈਨ ਦੁਨੀਆ ਵਿਚ ਮੌਜੂਦ ਸਭ ਤੋਂ ਵਧੀਆ ਇੰਜੀਨੀਅਰਿੰਗ ਦਾ ਨਮੂਨਾ ਪੇਸ਼ ਕਰਦਾ ਹੈ। ਇਸ ਇਮਾਰਤ ਦਾ ਅਨੁਪਾਤ 24:1 ਹੈ। ਇਸ ਦੀ ਕੁੱਲ ਲੰਬਾਈ 1428 ਫੁੱਟ ਹੈ। ਸਟੀਨਵੇ ਟਾਵਰ ਦੀਆਂ ਕੁੱਲ 46 ਮੰਜ਼ਿਲਾਂ ਇੱਕ ਘਰ ਵਰਗੀਆਂ ਹਨ ਜਿੱਥੇ ਲੋਕ ਰਹਿ ਸਕਦੇ ਹਨ। ਸਟੀਨਵੇ ਟਾਵਰ ਦੇ ਹਰ ਕਮਰੇ ਦਾ ਡਿਜ਼ਾਈਨ ਇਕ ਦੂਜੇ ਤੋਂ ਵੱਖਰਾ ਹੈ ਅਤੇ ਬਹੁਤ ਹੀ ਸੁੰਦਰ ਹੈ।
