ਕੈਨੇਡਾ ਦੇ ਅੰਕਿਤ ਬਲਹਾਰਾ ਨਾਲ ਵਿਆਹ ਦੇ ਬੰਧਨ ’ਚ ਬੱਝੀ ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਕੈਪਟਨ ਸਵਿਤਾ ਪੂਨੀਆ

ਚੰਡੀਗੜ੍ਹ: ਭਾਰਤੀ ਹਾਕੀ ਟੀਮ ਦੀ ਕਪਤਾਨ ਅਤੇ ਗੋਲਕੀਪਰ ਸਵਿਤਾ ਪੂਨੀਆ ਵਿਆਹ (Savita Punia Wedding) ਦੇ ਬੰਧਨ ਵਿਚ ਬੱਝ ਗਈ ਹੈ। ਸਿਰਸਾ ਦੇ ਪਿੰਡ ਜੋਧਕਾਂ ਦੀ ਰਹਿਣ ਵਾਲੀ ਸਵਿਤਾ ਪੂਨੀਆ ਦਾ ਵਿਆਹ ਕੈਨੇਡਾ ਦੇ ਅੰਕਿਤ ਬਲਹਾਰਾ ਨਾਲ ਹੋਇਆ ਹੈ। ਇਹ ਵਿਆਹ ਜ਼ੀਰਕਪੁਰ ਦੇ ਇਕ ਪੈਲੇਸ ਵਿਚ ਹੋਇਆ। ਅੰਕਿਤ ਮੂਲ ਰੂਪ ਤੋਂ ਸੋਨੀਪਤ ਦਾ ਰਹਿਣ ਵਾਲਾ ਹੈ।

ਸਵਿਤਾ ਦੇ ਪਿਤਾ ਮਹਿੰਦਰ ਪੂਨੀਆ ਨੇ ਦੱਸਿਆ ਕਿ ਉਹਨਾਂ ਦੇ ਜਵਾਈ ਅੰਕਿਤ ਬਲਹਾਰਾ ਨੇ ਵਿਆਹ ‘ਚ ਦਾਜ ਨਹੀਂ ਲਿਆ ਅਤੇ ਸ਼ਗਨ ਵਜੋਂ ਸਿਰਫ 1 ਰੁਪਏ ਲਿਆ ਹੈ। ਅੰਕਿਤ ਹਰਿਆਣਵੀ ਫਿਲਮ ਨਿਰਦੇਸ਼ਕ ਅਤੇ ਕਲਾਕਾਰ ਭਲ ਸਿੰਘ ਬਲਹਾਰਾ ਦਾ ਪੁੱਤਰ ਹੈ। ਅੰਕਿਤ ਬਲਹਾਰਾ ਕੈਨੇਡਾ ਵਿਚ ਸਾਫਟਵੇਅਰ ਇੰਜੀਨੀਅਰ ਹੈ। ਇਸ ਦੇ ਨਾਲ ਹੀ ਉਹ ਫਿਲਮ ਇੰਡਸਟਰੀ ਵਿਚ ਪਲੇਬੈਕ ਸਿੰਗਰ ਵੀ।