ਨਿਊਜਰਸੀ, ( ਰਾਜ ਗੋਗਨਾ )—ਅਮਰੀਕਾ ਚ’ ਉੱਘੇ ਸਿੱਖ ਆਗੂ ਸਮਾਜ ਸੇਵੀ ਅਤੇ ਭਾਰਤ ਚ’ ਕਿਸਾਨ ਮੋਰਚੇ ਦੀ ਅਮਰੀਕਾ ਦੇ ਪ੍ਰਸ਼ਾਸਨ ਨੂੰ ਸਭ ਤੋ ਵੱਧ ਹਿਮਾਇਤ ਕਰਨ ਵਾਲੇ ਪੰਜਾਬੀ ਸਿੱਖ ਸ: ਬੂਟਾ ਸਿੰਘ ਖੜੌਦ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆ ਕਿ ਉਹਨਾਂ ਦੇ ਪਿਤਾ ਸਵ: ਰਘਵੀਰ ਸਿੰਘ ਖੜੌਦ ਦੀ ਨਿਘੀ ਯਾਦ ਵਿੱਚ ਨਵੰਬਰ 6 ਦਿਨ ਐਤਵਾਰ ਨੂੰ ਪਿੰਡ ਕੱਟ ( ਜਿਲਾ ਨਵਾਂਸ਼ਹਿਰ) ਵਿਖੇ ਅੱਖਾ ਦਾ ਕੈਪ ਲਾਇਆ ਜਾ ਰਿਹਾ ਹੈ ਜਿਸ ਵਿੱਚ ਅੱਖਾ ਦੀਆ ਸਰਜਰੀਆ, ਐਨਕਾ ਅਤੇ ਚੈਕ ਅਪ ਹੋਵੇਗੀ 4 ਨਵੰਬਰ ਨੂੰ ਅਖੰਡ ਪਾਠ ਸਾਹਿਬ ਰੱਖੇ ਜਾਣਗੇ ਜਿਹਨਾ ਦੇ ਭੋਗ ਗੁਰਦੁਆਰਾ ਸਾਹਿਬ ਵਿੱਚ ਪਾਏ ਜਾਣਗੇ ਉਪਰੰਤ ਕੀਰਤਨ ਕਥਾ ,ਅਤੇ ਪੰਥਕ ਵਿਚਾਰਾ ਹੋਣਗੀਆ ਅਤੇ ਗੁਰੂ ਕਾ ਲੰਗਰ ਅਤੁੱਟ ਵਰਤੇਗਾ। ਜਿਕਰਯੋਗ ਹੈ ਕਿ ਸ: ਬੂਟਾ ਸਿੰਘ ਖੜੌਦ ਨੇ ਆਪਣੇ ਦਾਦਾ ਜੀ ਦੀ ਯਾਦ ਚ’ ਬੀਤੇ ਹਫ਼ਤੇ ਪਿੰਡ ਕੱਟ ਦੇ ਬੱਚਿਆਂ ਅਤੇ ਪਰਿਵਾਰਾ ਲਈ ਲੱਖਾ ਰੁਪਏ ਦੀ ਲਾਗਤ ਨਾਲ ਅਲੀਸ਼ਾਨ ਪਾਰਕ ਬਣਾਇਆ ਹੈ।
