ਚੰਡੀਗੜ (ਪ੍ਰੀਤਮ ਲੁਧਿਆਣਵੀ), – ਪੀ.ਐਸ.ਐਫ ਗੁਣ ਗਾਵਾਂ ਵੱਲੋਂ ਪੰਜਾਬ ਦੀ ਹੋਣਹਾਰ ਆਵਾਜ਼ ਰੂਬਲ ਮਹਿਮ ਦਾ ਧਾਰਮਿਕ ਟਰੈਕ ‘ਭਾਗਾਂ ਵਾਲੇ’ ਰਿਲੀਜ਼ ਕੀਤਾ ਗਿਆ। ਜਿਸਨੂੰ ਗੀਤਕਾਰ ਚੰਨ ਸ਼ਾਹਕੋਟੀ ਦੀ ਕਲਮ ਨੇ ਖੂਬਸੂਰਤ ਅਤੇ ਮਿਠਾਸ ਭਰੇ ਲਫ਼ਜ਼ਾਂ ਨਾਲ ਸਿਰਜਿਆ ਹੈ। ਪੀ. ਐਸ.ਐਫ ਗੁਣ ਗਾਵਾਂ ਦੀ ਇਸ ਪੇਸ਼ਕਸ਼ ਨੂੰ ਨਵਰਾਤਰਿਆਂ ਦੀ ਖੁਸ਼ੀ ਵਿਚ ਰਿਲੀਜ਼ ਕੀਤਾ ਗਿਆ ਹੈ। ਇਸ ਟਰੈਕ ਦਾ ਸੰਗੀਤ, ਪ੍ਰੀਤਮ ਸਟੂਡਿਓ ਵੱਲੋਂ ਤਿਆਰ ਕੀਤਾ ਗਿਆ ਹੈ। ਇਸ ਟਰੈਕ ਦੀ ਵੀਡੀਓ, ਉੱਘੇ ਵੀਡੀਓ- ਡਾਇਰੈਕਟਰ ਹਰਪ੍ਰੀਤ ਸਿੰਘ ਵਾਲੀਆ ਵਲੋਂ ਕੀਤੀ ਗਈ ਹੈ। ਇਸ ਟਰੈਕ ਨੂੰ ਤਿਆਰ ਕਰਵਾਉਣ ਵਿਚ ਸ੍ਰੀ ਸ਼ਿਵ ਕਰਨ ਨੇ ਬੜੇ ਸਹਿਯੋਗ ਨਾਲ ਹਿੱਸਾ ਪਾਇਆ। ਪੀ ਐਸ ਐਫ ਗੁਣ ਗਾਵਾਂ ਕੰਪਨੀ ਦੇ ਨਿਰਮਾਤਾ ਸ. ਜਸਵਿੰਦਰ ਸਿੰਘ ਵਾਲੀਆ ਜੀ ਦਾ ਕਹਿਣਾ ਹੈ ਕਿ ਰੂਬਲ ਮਹਿਮ ਪੰਜਾਬ ਦੀ ਉਹ ਹੋਣਹਾਰ ਗਾਇਕ ਹੈ ਜਿਸ ਨੂੰ ਆਪਣੇ ਘਰਾਣੇ ਵਿੱਚੋਂ ਹੀ ਆਪਣੇ ਪਿਤਾ ਚੰਨ ਸ਼ਾਹ ਕੋਟੀ ਅਤੇ ਆਪਣੀ ਮਾਤਾ ਜਸਵੰਤ ਗਿੱਲ ਜੀ ਤੋਂ ਗਾਇਕੀ ਦੇ ਸਫ਼ਰ ਦੀ ਦਾਤ ਮਿਲੀ ਹੈ। ਟਰੈਕ,‘ਭਾਗਾਂ ਵਾਲੇ’ ਨੂੰ ਯੂ-ਟਿਊਬ, ਫੇਸਬੁੱਕ ਅਤੇ ਫ਼ਿਦਾ ਚੈਨਲ ਫਾਸਟਵੇ ਕੇਵਲ ਤੇ 331 ਨੰਬਰ ਤੇ ਵੀ ਵੇਖਿਆ ਜਾ ਸਕਦਾ ਹੈ।
