• ਭੁਲੱਥ ਸੈਂਟਰ ਨੂੰ ਮਨੁੱਖਤਾ ਸੇਵਾ ਵਿੱਚ ਆਇਆ ਇਕ ਸਾਲ ਹੋਇਆ ਪੂਰਾ ਅਗਾਹ ਸੇਵਾ ਰਹੇਗੀ ਨਿਰੰਤਰ ਜਾਰੀ: ਪ੍ਰਬੰਧਕ ਸੇਵਾ ਸੁਸਾਇਟੀ ਭੁਲੱਥ
ਭੁਲੱਥ (ਅਜੈ ਗੋਗਨਾ )— ਲੰਘੇ ਸਾਲ ਦੁਆਬੇ ਦੇ ਪ੍ਰਸਿੱਧ ਕਸਬਾ ਭੁਲੱਥ ਚ’ ਖੋਲ੍ਹੇ ਗਏ ਸਥਾਨਕ ਸਰਕਾਰੀ ਹਸਪਤਾਲ ਚ” ਸ਼ਾਹਿਬਜਾਦਾ ਬਾਬਾ ਜੋਰਾਵਰ ਸਿੰਘ,ਅਤੇ ਬਾਬਾ ਫਤਿਹ ਸਿੰਘ ਸੇਵਾ ਸੁਸਾਇਟੀ ਵੱਲੋਂ ਇਲਾਕੇ ਦੀ ਸਮੂਹ ਸੰਗਤਾਂ ਤੇ ਐਨ.ਆਰ.ਆਈ. ਦੀ ਸਹਿਯੋਗ ਨਾਲ ਬੀਤੇ ਸਾਲ 31 ਮਾਰਚ 2021 ਨੂੰ ਗੁਰੂ ਨਾਨਕ ਦੇਵ ਜੀ ਨਾਮ ਨੂੰ ਸਮਰਪਿਤ ਮੁਫਤ ਡਾਇਲਸਿਸ ਸੈਂਟਰ ਹੋਂਦ ਵਿੱਚ ਲਿਆਦਾ ਹੈ, ਜੋ ਕਿ ਭੁਲੱਥ ਦੇ ਸਰਕਾਰੀ ਹਸਪਤਾਲ ਵਿੱਚ ਮਰੀਜਾਂ ਲਈ ਮੁਫਤ ਡਾਇਲਸਿਸ ਦੀ ਸੇਵਾ ਨਿਭਾ ਰਿਹਾ ਹੈ, ਅੱਜ ਡਾਇਲਸਿਸ ਸੈਂਟਰ ਨੂੰ ਮਨੁੱਖਤਾ ਸੇਵਾ ਵਿੱਚ ਆਇਆ ਇਕ ਸਾਲ ਹੋ ਚੁੱਕਾ ਹੈ। ਇਕ ਸਾਲ ਵਿੱਚ ਕੁੱਲ 2085 ਪੀੜਤਾ ਦੀ ਮੁਫਤ ਡਾਇਲਸਿਸ ਕੀਤੀ ਗਈ ਹੈ ਅਤੇ ਮਾਰਚ ਮਹੀਨੇ ਦਾ ਮੁਫਤ ਡਾਇਲਸਿਸ ਅੰਕੜਾ 205 ਹੈ। ਇਸ ਬਾਰੇ ਡਾਇਲਸਿਸ ਸੈਂਟਰ ਦੇ ਪ੍ਰਬੰਧਕ ਤੇ ਸੇਵਾ ਸੁਸਾਇਟੀ ਦੇ ਮੈਂਬਰਾਂ ਡਾ. ਸੁਰਿੰਦਰ ਕੱਕੜ, ਸੁਰਿੰਦਰ ਸਿੰਘ ਲਾਲੀਆਂ, ਮੋਹਨ ਸਿੰਘ, ਬਲਵਿੰਦਰ ਸਿੰਘ ਚੀਮਾਂ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਕਿਹਾ ਕਿ ਇਹ ਸੈਂਟਰ ਇਲਾਕੇ ਦੀ ਸਾਧ ਸੰਗਤ ਤੇ ਐਨ.ਆਰ.ਆਈ ਦੇ ਸਹਿਯੋਗ ਨਾਲ ਚਲ ਰਿਹਾ ਹੈ ਤੇ ਪੰਜਾਬ ਭਰ ਵਿੱਚੋ ਮਰੀਜ ਆਉੰਦੇ ਹਨ ਤੇ ਮੁਫਤ ਡਾਇਲਸਿਸ ਦਾ ਸਹਾਰਾ ਲੈਂਦੇ ਹਨ ਅਤੇ ਕਿਹਾ ਕਿ ਸਾਡੀ ਸੁਸਾਇਟੀ ਵੱਲੋਂ ਚਲਾਈ ਇਹ ਮਨੁੱਖਤਾ ਸੇਵਾ ਲਈ ਮੁਫਤ ਡਾਇਲਸਿਸ ਮੁਹਿੰਮ ਸੰਗਤਾਂ ਦੇ ਸਹਿਯੋਗ ਨਾਲ ਕਾਮਯਾਬ ਹੋਈ ਅਤੇ ਅੱਜ ਇਕ ਸਾਲ ਮਨੁੱਖਤਾਂ ਦੀ ਸੇਵਾ ਵਿੱਚ ਪੇਸ਼ ਹੋਈ ਨੂੰ ਹੋ ਚੁੱਕਾ ਹੈ ਅਤੇ ਅਗਾਹ ਵੀ ਸੇਵਾ ਇਸੇ ਤਰਾ ਨਿਰੰਤਰ ਚਲਦੀ ਰਹੇਗੀ। ਦੱਸਿਆ ਕਿ ਰੋਜਾਨਾ 8 ਤੋੰ 10 ਮਰੀਜਾਂ ਦੀ ਮੁਫਤ ਡਾਇਲਸਿਸ ਹੁੰਦੀ ਹੈ ਅਤੇ ਡਾਇਲਸਿਸ ਕਰਨ ਵਾਲੇ ਮਾਹਿਰ ਡਾਕਟਰ ਤੇ ਬਾਕੀ ਸਟਾਫ ਸੈਂਟਰ ਵਿੱਚ ਮੋਜੂਦ ਰਹਿ, ਮਰੀਜਾਂ ਦੀ ਦੇਖ-ਰੇਖ ਕਰਦੇ ਹਨ। ਅਖੀਰ ਉਨ੍ਹਾਂ ਕਿਹਾ ਕਿ ਅਸੀ ਸਮੂਹ ਦਾਨੀ ਸੰਗਤ ਤੇ ਐਨ.ਆਰ.ਆਈ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਾਂ ਅਪੀਲ ਕਰਦੇ ਹਾਂ ਇਸੇ ਤਰਾ ਰਲ ਮਿਲ ਸਹਿਯੋਗ ਕਰਦੇ ਰਹੀਏ ਤਾਂ ਜੋ ਲੋਕ ਮੁਫਤ ਡਾਇਲਸਿਸ ਦਾ ਸਹਾਰਾ ਲੈੰਦੇ ਰਹਿਣ।
