ਚੰਡੀਗੜ (ਪ੍ਰੀਤਮ ਲੁਧਿਆਣਵੀ),- ਸੱਭਿਆਚਾਰਕ ਹਲਕਿਆਂ ਦੇ ਜਾਣੇ-ਪਛਾਣੇ ਪੰਜਾਬੀ ਗਾਇਕ ਰਾਜਵੀਰ ਢਿੱਲੋਂ ਨੇ ਪੂਰੀ ਮਿਹਨਤ ਨਾਲ ਤਿਆਰੀ ਕਰਕੇ ਸਰੋਤਿਆਂ ਦੀ ਕਚਹਿਰੀ ’ਚ ‘ਜਾਨ’ ਗੀਤ ਨਾਲ ਜ਼ਬਰਦਸਤ ਦਸਤਕ ਦਿੱਤੀ ਹੈ। ਦਮਦਾਰ, ਮਿੱਠੀ, ਸੁਰੀਲੀ ਤੇ ਬੁਲੰਦ ਅਵਾਜ਼ ਵਿੱਚ ਗਾਇਕ ਢਿੱਲੋਂ ਵੱਲੋਂ ਰਿਕਾਰਡ ਕੀਤੇ ਗਏ ਇਸ ਗੀਤ ਨੂੰ ਸਿਰਜਿਆ ਹੈ ਪ੍ਰਸਿੱਧ ਗੀਤਕਾਰ ਪ੍ਰੀਤ ਧਾਰੋਂਕੀ ਨੇ। ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਗੀਤਕਾਰ ਰਾਜੂ ਨਾਹਰ ਨੇ ਦੱਸਿਆ ਕਿ ਇਸ ਗੀਤ ਨੂੰ ਸੰਗੀਤਕ ਛੋਹਾਂ ਦਿੱਤੀਆਂ ਹਨ ਸੰਗੀਤਕਾਰ ਨਾਭੇ ਆਲੇ ਨੇ। ਇਸ ਪ੍ਰੋਜੈਕਟ ਦੇ ਪ੍ਰਡਿਊਸਰ ਵੀ ਰਾਜਵੀਰ ਢਿੱਲੋਂ ਹੀ ਹਨ, ਜਦਕਿ ਇਸਦਾ ਫਿਲਮਾਂਕਣ ਤਜ਼ਰਬੇਕਾਰ ਵੀਡੀਓ ਡਾਇਰੈਕਟਰ ਬਹਾਲ ਸਿੰਘ ਨੇ ਕਰਦਿਆਂ ਕੋਈ ਕਸਰ ਬਾਕੀ ਨਹੀਂ ਛੱਡੀ। ਜਿਸਦੇ ਨਤੀਜੇ ਵਜੋਂ ਉਮੀਦ ਕੀਤੀ ਜਾਂਦੀ ਹੈ ਕਿ ਇਹ ਗੀਤ ਹਰ ਇੱਕ ਪੰਜਾਬੀ ਸਰੋਤੇ ਦੀ ਪਸੰਦ ਬਣੇਗਾ ਤੇ ਉਹ ਇਸ ਨੂੰ ਬਾਰ ਬਾਰ ਸੁਣ ਕੇ ਅਨੰਦ ਮਾਣੇਗਾ।
