ਵਾਂਸਿੰਗਟਨ (ਰਾਜ ਗੋਗਨਾ )— ਬੀਤੇਂ ਦਿਨ ਪਹਿਲੇ ਸਿੱਖ ਸਿਪਾਹੀ ਸੁਖਬੀਰ ਸਿੰਘ ਤੂਰ ਨੂੰ ਤਰੱਕੀ ਮਿਲ ਗਈ ਹੈ ਉਹਨਾਂ ਨੂੰ ਲੈਫਟੀਨੈਂਟ ਦੇ ਅਹੁਦੇ ਤੋ ਸੁਖਬੀਰ ਸਿੰਘ ਤੂਰ ਨੂੰ ਕੈਪਟਨ ਦਾ ਅਹੁਦਾ ਮਿਲ ਗਿਆ ਹੈ। ਉਸ ਨੇ 2017 ਤੋਂ ਅਮਰੀਕਾ ਦੀ ਮਰੀਨ ਕੌਰਪਸ (ਯੂ.ਐਸ਼.ਐਨ.ਸੀ) ਵਿੱਚ ਸੇਵਾ ਕੀਤੀ ਹੈ ਅਤੇ ਨੋਕਰੀ ਦੋਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਮਾਰਚ 2021 ਵਿੱਚ, ਸਿੱਖ ਕੁਲੀਸ਼ਨ ਦੀ ਸਹਾਇਤਾ ਨਾਲ,ਪਹਿਲੇ ਲੈਫ: ਬਣੇ ਅਤੇ ਸੁਖਬੀਰ ਸਿੰਘ ਤੂਰ ਨੇ ਆਪਣੇ ਵਿਸ਼ਵਾਸ ਦੇ ਲੇਖਾਂ ਨਾਲ ਕੈਪਟਨ ਦੇ ਅਹੁਦੇ ਦੀ ਸੇਵਾ ਕਰਨ ਲਈ ਸਿੱਖ ਕੋਮ ਦਾ ਨਾਂ ਚਮਕਾਇਆ। ਤੂਰ ਦਾ ਜਨਮ ਵਾਸ਼ਿੰਗਟਨ ਵਿੱਚ ਹੋਇਆ ਸੀ, ਅਤੇ ਉਹ ਸੰਯੁਕਤ ਰਾਜ ਅਤੇ ਕੈਨੇਡਾ ਵਿੱਚ ਵੱਡਾ ਹੋਇਆ ਸੀ। ਉਸਨੇ ਹਾਈ ਸਕੂਲ ਵਿੱਚ ਪੜ੍ਹਦਿਆਂ ਹੀ ਯੂਐਸਐਮਸੀ ਵਿੱਚ ਸ਼ਾਮਲ ਹੋਣ ਦਾ ਆਪਣਾ ਮਨ ਬਣਾ ਲਿਆ, ਅਤੇ ਬ੍ਰਿਟਿਸ਼ ਕੋਲੰਬੀਆ, ਕੈਨੇਡਾ ਵਿੱਚ ਕਵਾਂਟਲਨ ਪੌਲੀਟੈਕਨਿਕ ਯੂਨੀਵਰਸਿਟੀ ਤੋਂ ਫੌਜੀ ਇਤਿਹਾਸ ਵਿੱਚ ਡਿਗਰੀ ਪ੍ਰਾਪਤ ਕੀਤੀ। ਪਹਿਲੇ ਲੈਫ: ਤੂਰ ਨੇ ਅਗਸਤ 2016 ਵਿੱਚ ਅਫਸਰ ਉਮੀਦਵਾਰ ਸਕੂਲ ਗ੍ਰੈਜੂਏਟ ਕੀਤਾ ਅਤੇ ਅਕਤੂਬਰ 2017 ਵਿੱਚ ਕਮਿਸ਼ਨ ਕੀਤਾ ਗਿਆ ਸੀ; ਉਸਨੇ ਕੁਆਂਟਿਕੋ, ਵਰਜੀਨੀਆ ਅਮਰੀਕਾ ਦੇ ਬੇਸਿਕ ਸਕੂਲ ਵਿੱਚ ਪੜ੍ਹਿਆ, ਜਿੱਥੇ ਉਸਨੇ ਆਪਣੀ ਕਲਾਸ ਦੇ ਸਿਖਰਲੇ ਤੀਜੇ ਸਥਾਨ ਵਿੱਚ ਵੀ ਪ੍ਰਦਰਸ਼ਨ ਕੀਤਾ, ਅਤੇ ਫਿਰ ਫੋਰਟ ਸਿਲ, ਓਕਲਾਹੋਮਾ ਵਿਖੇ ਫੀਲਡ ਆਰਟਿਲਰੀ ਸਕੂਲ ਤੋਂ ਪੜ੍ਹਿਆ ਅਤੇ ਗ੍ਰੈਜੂਏਟ ਹੋਇਆ। 2019 ਤੋਂ, ਉਹ ਟਵੇਂਟਾਈਨ ਪਾਮਸ, ਕੈਲੀਫੋਰਨੀਆ ਵਿਖੇ ਅਧਾਰਤ ਹੈ, ਜਿੱਥੇ ਉਹ ਵਰਤਮਾਨ ਵਿੱਚ ਤੀਜੀ ਬਟਾਲੀਅਨ, 11ਵੀਂ ਮਰੀਨ ਲਈ ਫਾਇਰ ਸਪੋਰਟ ਅਫਸਰ ਵਜੋਂ ਵੀ ਉਸ ਨੇ ਕੰਮ ਕੀਤਾ।ਸੁਰੂ ਚ’ ਤੂਰ ਨੂੰ ਸਿੱਖ ਹੋਣ ਦੀ ਕੁਰਬਾਨੀ ਵੀ ਦੇਣੀ ਪਈ ਸੀ ਅਤੇ ਆਪਣੇ ਇਸ ਅਧਿਕਾਰ ਲਈ ਉਸ ਨੇ ਪਿਛਲੇ ਪੰਜ ਸਾਲਾ ਤੋ ਸੰਘਰਸ ਵੀ ਕੀਤਾ ਸੀ।ਅਤੇ ਇੱਥੇ ਪਹਿਲੀ ਵਾਰ ਹੋਇਆ ਸੀ। ਜਦੋਂ ਕਿਸੇ ਨੂੰ ਦਸਤਾਰ ਸਜਾਉਣ ਦੀ ਪ੍ਰਵਾਨਗੀ ਮਿਲੀ ਸੀ ਅਤੇ 2019 ਵਿੱਚ,ਲੈਫ: ਹੁੰਦੇ ਉਸ ਨੇ ਆਪਣੇ ਸਿੱਖੀ ਕਕਾਰਾ ਪਹਿਨਣ ਲਈ ਅਰਜ਼ੀ ਦਿੱਤੀ ਸੀ।
