ਓਟਾਵਾ – ਕੰਜਰਵੇਟਿਵ ਲੀਡਰਸ਼ਿਪ ਦੇ ਦਾਅਵੇਦਾਰ ਅਤੇ ਰੂਕੀ ਐਮ. ਪੀ. ਲੈਸਲਿਨ ਲੁਈਸ ਨੇ ਸੋਮਵਾਰ ਨੂੰ ਕਿਊਬਿਕ ਕਾਨੂੰਨ ਨੂੰ ਅਧਿਕਾਰਤ ਅਹੁਦਿਆਂ ’ਤੇ ਸਰਕਾਰੀ ਕਰਮਚਾਰੀਆਂ ਨੂੰ ਕੰਮ ’ਤੇ ਧਾਰਮਿਕ ਚਿੰਨ੍ਹ ਪਹਿਨਣ ’ਤੇ ਪਾਬੰਦੀ ਲਗਾਉਣ ਵਾਲੇ ਕਾਨੂੰਨ ਨੂੰ ‘ਸਪੱਸ਼ਟ ਧਾਰਮਿਕ ਭੇਦਭਾਵ’ ਕਿਹਾ।
ਲੇਵਿਸ ਜੋ ਪਾਰਟੀ ਦੀ 2020 ਦੀ ਦੌੜ ਵਿਚ ਤੀਜੇ ਨੰਬਰ ’ਤੇ ਆਉਣ ਤੋਂ ਬਾਅਦ ਦੂਜੀ ਵਾਰ ਲੀਡਰਸ਼ਿਪ ਲਈ ਦੌੜ ਵਿਚ ਸ਼ਾਮਲ ਹੈ, ਨੇ ਕਿਹਾ ਕਿ ਕੰਜਰਵੇਟਿਵਾਂ ਨੂੰ ‘ਸਿਧਾਂਤ ਦੇ ਆਧਾਰ ’ਤੇ’ ਫੈਸਲੇ ਲੈਣੇ ਚਾਹੀਦੇ ਹਨ ਨਾ ਕਿ ਕਿਸੇ ਖਾਸ ਆਬਾਦੀ ਦੁਆਰਾ ਇਸ ਨੂੰ ਕਿਵੇਂ ਦੇਖਿਆ ਜਾਵੇ ਇਸ ਦੇ ਆਧਾਰ ’ਤੇ। ਇਥੋਂ ਤੱਕ ਕਿ ਨਿਰੋਲ ਸਿਆਸੀ ਉਦੇਸ਼ਾਂ ਲਈ ਸਹੀ ਫੈਸਲਾ ਲੈਣਾ ਵੀ ਗਲਤ ਹੈ ਜਦੋਂਕਿ ਮੈਂ ਸੂਬਾਈ ਅਧਿਕਾਰ ਖੇਤਰ ਦਾ ਸਨਮਾਨ ਕਰਦੀ ਹਾਂ। ਬਿੱਲ 21 ਸਾਫ ਤੌਰ ’ਤੇ ਧਾਰਮਿਕ ਵਿਤਕਰਾ ਹੈ ਅਤੇ ਆਪਣੀ ਪਾਰਟੀ ਨਾਲ ਨੇਤਾ ਹੋਣ ਦੇ ਨਾਤੇ ਮੈਂ ਹਮੇਸ਼ਾ ਧਾਰਮਿਕ ਆਜ਼ਾਦੀ ਦੀ ਰੱਖਿਆ ਕਰਾਂਗੀ।
ਪਾਰਟੀ ਦੇ ਕੁਝ ਲੋਕਾਂ ਨੂੰ ਉਮੀਦ ਹੈ ਕਿ ਇਹ ਮੁੱਦਾ ਨੀਤੀਗਤ ਬਹਿਸ ਬਣ ਜਾਵੇਗਾ ਜੋ ਕਿ 10 ਸਤੰਬਰ ਨੂੰ ਨਵਾਂ ਨੇਤਾ ਚੁਣੇ ਜਾਣ ਤੱਕ ਚੱਲੇਗਾ। ਹੁਣ ਤੱਕ ਪੰਜ ਉਮੀਦਵਾਰ ਦੌੜ ਵਿਚ ਸ਼ਾਮਲ ਹਨ ਤੇ ਬਾਕੀਆਂ ਨੂੰ ਐਲਾਨ ਕਰਨ ਲਈ 19 ਅਪ੍ਰੈਲ ਤੱਕ ਦਾ ਸਮ੍ਹਾਂ ਦਿੱਤਾ ਗਿਆ ਹੈ।
