ਓਟਾਵਾ/ਕੈਨੇਡਾ, (ਰਾਜ ਗੋਗਨਾ)—ਕੈਨੇਡਾ ਵਿਚ ਵਾਪਰੇ ਸੜਕ ਹਾਦਸੇ ਵਿਚ 5 ਭਾਰਤੀ ਵਿਦਿਆਰਥੀਆਂ ਦੀ ਮੌਤ ਹੋ ਗਈ ਹੈ। ਭਾਰਤ ਦੇ ਹਾਈ ਕਮਿਸ਼ਨਰ ਅਜੈ ਬਿਸਾਰੀਆ ਨੇ ਸੋਮਵਾਰ ਨੂੰ ਕਿਹਾ ਕਿ 2 ਹੋਰ ਵਿਦਿਆਰਥੀ ਜਿੰਨਾ ਚ’ ਇਕ ਲੜਕਾ ਅਤੇ ਲੜਕੀ ਵੀ ਸ਼ਾਮਿਲ ਹੈ। ਗੰਭੀਰ ਰੂਪ ਚ’ ਜ਼ਖ਼ਮੀ ਹੋ ਗਏ ਅਤੇ ਉਨ੍ਹਾਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ। ਇਹ ਹਾਦਸਾ ਸ਼ਨੀਵਾਰ ਨੂੰ ਓਨਟਾਰੀਓ ਹਾਈਵੇਅ ‘ਤੇ ਵਾਪਰਿਆ। ਅਜੈ ਬਿਸਾਰੀਆ ਨੇ ਟਵਿੱਟਰ ‘ਤੇ ਪੀੜਤਾਂ ਦੇ ਪਰਿਵਾਰਾਂ ਪ੍ਰਤੀ ਡੂੰਘੀ ਹਮਦਰਦੀ ਜ਼ਾਹਰ ਕੀਤੀ ਹੈ।ਕੈਨੇਡਾ ਵਿਚ ਭਾਰਤ ਦੇ ਹਾਈ ਕਮਿਸ਼ਨਰ ਨੇ ਕਿਹਾ, ਕਿ “ਕੈਨੇਡਾ ਵਿੱਚ ਇਹ ਦਿਲ ਦਹਿਲਾਉਣ ਵਾਲੀ ਤ੍ਰਾਸਦੀ: ਸ਼ਨੀਵਾਰ ਨੂੰ ਟੋਰਾਂਟੋ ਦੇ ਨੇੜੇ ਹੋਈ ਅਤੇ ਇਸ ਹਾਦਸੇ ਵਿੱਚ 5 ਭਾਰਤੀ ਵਿਦਿਆਰਥੀਆਂ ਦੀ ਮੌਤ ਹੋ ਗਈ।ਅਤੇ 2 ਹੋਰ ਜਿੰਨਾ ਚ’ ਇਕ ਲੜਕੀ ਤੇ ਲੜਕਾ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹਨ।ਹਾਈ ਕਮਿਸਨਰ ਨੇ ਪੀੜਤਾਂ ਦੇ ਪਰਿਵਾਰਾਂ ਨਾਲ ਡੂੰਘੀ ਹਮਦਰਦੀ ਜਿਤਾਈ ਅਤੇ ਇੰਡੀਅਨ ਟੋਰਾਟੋ ਦੀ ਟੀਮ ਸਹਾਇਤਾ ਲਈ ਪੀੜਤਾਂ ਅਤੇ ਉਹਨਾਂ ਦੇ ਦੋਸਤਾਂ ਨਾਲ ਸੰਪਰਕ ਵਿਚ ਹੈ।ਕੁਇੰਟੇ ਵੈਸਟ ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ (ਓਪੀਪੀ) ਦੇ ਅਨੁਸਾਰ ਮ੍ਰਿਤਕ ਵਿਦਿਆਰਥੀਆਂ ਦੀ ਪਹਿਚਾਣ ਹਰਪ੍ਰੀਤ ਸਿੰਘ, ਜਸਪਿੰਦਰ ਸਿੰਘ, ਕਰਨਪਾਲ ਸਿੰਘ, ਮੋਹਿਤ ਚੌਹਾਨ ਅਤੇ ਪਵਨ ਕੁਮਾਰ ਦੇ ਵਜੋਂ ਹੋਈ ਹੈ। ਅਤੇ ਉਹ ਲੰਘੇ ਸ਼ਨੀਵਾਰ ਨੂੰ ਸਵੇਰੇ ਹਾਈਵੇਅ 401 ‘ਤੇ ਇਕ ਯਾਤਰੀ ਵੈਨ ‘ਚ ਪੱਛਮ ਵੱਲ ਜਾ ਰਹੇ ਸਨ ਅਤੇ ਤੜਕੇ 3:45 ‘ਤੇ ਉਨ੍ਹਾਂ ਦੀ ਇਕ ਟਰੈਕਟਰ-ਟ੍ਰੇਲਰ ਦੇ ਨਾਲ ਭਿਆਨਕ ਟੱਕਰ ਹੋ ਗਈ। ਪੁਲਿਸ ਹਾਦਸੇ ਦੀ ਜਾਂਚ ਕਰ ਰਹੀ ਹੈ।
