ਜਲੰਧਰ : ਹੁਸ਼ਿਆਰਪੁਰ ਦੇ ਆਰਟੀਏ ਪ੍ਰਦੀਪ ਸਿੰਘ ਢਿੱਲੋਂ ਨੇ ਜਲੰਧਰ ਵਿੱਚ ਆਰਟੀਏ ਦਾ ਵਾਧੂ ਚਾਰਜ ਮਿਲਣ ਤੋਂ ਬਾਅਦ ਜਲੰਧਰ ਜੁਆਇਨ ਕਰ ਲਿਆ ਹੈ। ਰਿਪੋਰਟ ਅਨੁਸਾਰ ਪਿਛਲੇ ਦੋ-ਤਿੰਨ ਮਹੀਨਿਆਂ ਦੌਰਾਨ ਆਰਟੀਏ ਦਫ਼ਤਰ ਵਿੱਚ ਆਰਸੀ ਦੀ ਬਕਾਇਆ ਰਾਸ਼ੀ ਦਸ ਹਜ਼ਾਰ ਦੇ ਕਰੀਬ ਪਹੁੰਚ ਗਈ ਹੈ, ਜਦੋਂ ਕਿ ਇਨ੍ਹਾਂ ਵਿੱਚ ਵਪਾਰਕ ਅਤੇ ਗ਼ੈਰ-ਵਪਾਰਕ ਵਾਹਨ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਲਾਇਸੈਂਸ ਲਈ ਦਿੱਤੀਆਂ ਦਰਖਾਸਤਾਂ ਅਨੁਸਾਰ ਕਰੀਬ 8 ਹਜ਼ਾਰ ਲਾਇਸੈਂਸ ਮਨਜ਼ੂਰੀ ਲਈ ਜਲੰਧਰ ਸਥਿਤ ਆਰ.ਟੀ.ਏ ਦਫ਼ਤਰ ਵਿੱਚ ਫਸੇ ਹੋਏ ਹਨ।
ਜਿਸ ਕਾਰਨ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦੂਜੇ ਪਾਸੇ ਬੁੱਧਵਾਰ ਨੂੰ ਦਫਤਰ ਜੁਆਇਨ ਕਰਨ ਤੋਂ ਬਾਅਦ ਆਰ.ਟੀ.ਏ ਨੇ ਦਫਤਰ ਦੇ ਕਰਮਚਾਰੀਆਂ ਨਾਲ ਮੀਟਿੰਗ ਕੀਤੀ ਅਤੇ ਦਫਤਰ ਦੇ ਚੱਲ ਰਹੇ ਕੰਮਕਾਜ ਬਾਰੇ ਜਾਣਕਾਰੀ ਲਈ। ਨਵੇਂ ਆਰਟੀਏ ਨੇ ਜੁਆਇਨ ਕਰਨ ਤੋਂ ਬਾਅਦ ਕਿਹਾ ਹੈ ਕਿ ਪੈਂਡੈਂਸੀ ਦੀ ਸੂਚੀ ਤਿਆਰ ਹੈ, ਹੁਣ ਹੌਲੀ-ਹੌਲੀ ਦਸਤਾਵੇਜ਼ਾਂ ਦੀ ਮਨਜ਼ੂਰੀ ਸ਼ੁਰੂ ਹੋ ਜਾਵੇਗੀ।
