ਸੈਕਰਾਮੈਂਟੋ, ਕੈਲੀਫੋਰਨੀਆ (ਹੁਸਨ ਲੜੋਆ ਬੰਗਾ)-ਵਿਸਕਾਨਸਿਨ ਮੈਡੀਸਨ ਯੁਨੀਵਰਸਿਟੀ ਦੇ ਪ੍ਰੋਫੈਸਰਾਂ ਤੇ ਹੋਰ ਸਟਾਫ਼ ਨੂੰ ਈ ਮੇਲ ਰਾਹੀਂ ਧਮਕਾਉਣ ਦੇ ਦੋਸ਼ ਵਿੱਚ ਭਾਰਤੀ ਮੂਲ ਦੇ ਯੁਨੀਵਰਿਸਟੀ ਦੇ ਸਾਬਕਾ ਵਿਦਿਆਰਥੀ ਅਰਵਿਨ ਰਾਜ ਮਾਥਰ (32) ਨੂੰ ਗ੍ਰਿਫ਼ਤਾਰ ਕਰਨ ਦੀ ਖ਼ਬਰ ਹੈ। ਮੀਡੀਆ ਰਿਪੋਰਟ ਅਨੁਸਾਰ ਮਾਥਰ ਨੇ ਕਿਸੇ ਮੁੱਦੇ ਨੂੰ ਲੈ ਕੇ ਭੇਜੀ ਈ ਮੇਲ ਵਿਚ ਯੁਨੀਵਰਸਿਟੀ ਸਟਾਫ਼ ਦੇ ਬੱਚਿਆਂ ਦੀ ਹੱਤਿਆ ਕਰਨ ਦੀ ਧਮਕੀ ਦਿੱਤੀ ਹੈ। ਗਰਾਸ ਲੇਕ (ਜੈਕਸਨ ਕਾਊਂਟੀ) ਵਿਚ ਰਹਿੰਦੇ ਮਾਥਰ ਨੂੰ ਡੈਟਰਾਇਟ ਮੈਟਰੋਪੋਲੀਟਨ ਏਅਰਪੋਰਟ ‘ਤੇ ਬੀਤੇ ਦਿਨ ਗ੍ਰਿਫ਼ਤਾਰ ਕੀਤਾ ਹੈ। ਫਿਲਹਾਲ ਉਸ ਨੂੰ ਆਰਜੀ ਤੌਰ ‘ਤੇ ਸੇਂਟ ਕਲੇਰ ਕਾਊਂਟੀ ਜੇਲ ਵਿਚ ਰਖਿਆ ਗਿਆ ਹੈ।
