ਸੰਦੀਪ ਨੰਗਲ ਅੰਬੀਆਂ ਅਮਰ ਰਹੇ ਦੇ ਲੱਗੇ ਨਾਅਰੇ
ਦਿੜ੍ਹਬਾ ਮੰਡੀ ਨਕੋਦਰ ਮਹਿਤਪੁਰ (ਹਰਜਿੰਦਰ ਪਾਲ ਛਾਬੜਾ) – ਪੰਜਾਬੀਆਂ ਦੀ ਹਰਮਨਪਿਆਰੀ ਖੇਡ ਕਬੱਡੀ ਦੇ ਸੰਸਾਰ ਪ੍ਸਿੱਧ ਖਿਡਾਰੀ ਸੰਦੀਪ ਨੰਗਲ ਅੰਬੀਆਂ ਦੀ ਮਿ੍ਤਕ ਰੂਹ ਨੂੰ ਆਤਮਿਕ ਸਾਂਤੀ ਦੇਣ ਲਈ ਅੱਜ ਪਿੰਡ ਖਡਿਆਲ ਵਿਖੇ ਨੌਜਵਾਨਾਂ ਵਲੋਂ ਅੰਤਰਰਾਸ਼ਟਰੀ ਕਬੱਡੀ ਕੁਮੈਂਟੇਟਰ ਸਤਪਾਲ ਮਾਹੀ ਦੀ ਅਗਵਾਈ ਵਿੱਚ ਕੈਂਡਲ ਮਾਰਚ ਕੱਢਿਆ ਗਿਆ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਇਕੱਤਰ ਹੋਏ ਨੌਜਵਾਨਾਂ ਨੂੰ ਸੰਬੋਧਨ ਕਰਦਿਆਂ ਖਡਿਆਲ ਨੇ ਕਿਹਾ ਸੰਦੀਪ ਨੰਗਲ ਅੰਬੀਆਂ ਕਬੱਡੀ ਖੇਡ ਜਗਤ ਦਾ ਉਹ ਮਹਾਨ ਖਿਡਾਰੀ ਸੀ ਜਿਸ ਨੇ ਦੋ ਦਹਾਕੇ ਕਬੱਡੀ ਵਿੱਚ ਆਪਣੀ ਖੂਬਸੂਰਤ ਛਾਪ ਛੱਡੀ। ਉਹ ਸੈਂਕੜੇ ਨੌਜਵਾਨਾਂ ਦਾ ਮਾਰਗਦਰਸ਼ਕ ਸੀ, ਉਸ ਦੀ ਬੇਵਕਤੀ ਮੌਤ ਨਾਲ ਕਬੱਡੀ ਜਗਤ ਨੂੰ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਸੰਦੀਪ ਦੇ ਜਾਣ ਨਾਲ ਕਬੱਡੀ ਖੇਡ ਵਿੱਚ ਇੱਕ ਖਿਲਾਅ ਜਿਹਾ ਪੈਦਾ ਹੋ ਗਿਆ ਹੈ, ਜਿਸ ਨੂੰ ਪੂਰਾ ਕਰਨ ਲਈ ਦਹਾਕੇ ਬੱਧੀ ਸਮਾਂ ਲੱਗੇਗਾ।
ਇਸ ਮੌਕੇ ਇੱਕਠੇ ਹੋਕੇ ਸੈਂਕੜੇ ਨੌਜਵਾਨਾਂ ਨੇ “ਸੰਦੀਪ ਨੰਗਲ ਅੰਬੀਆਂ ਅਮਰ ਰਹੇ” “ਸੰਦੀਪ ਤੇਰੀ ਸੋਚ ਤੇ ਪਹਿਰਾ ਦਿਆਂਗ
ਠੋਕ ਕੇ” ” ਮਾਂ ਖੇਡ ਕਬੱਡੀ ਜਿੰਦਾਬਾਦ ” ਦੇ ਨਾਅਰੇ ਲਾਏ। ਪਿੰਡ ਵਾਸੀਆਂ ਨੇ ਘਰਾਂ ਤੋਂ ਬਾਹਰ ਨਿਕਲ ਕੇ ਸੰਦੀਪ ਨੰਗਲ ਅੰਬੀਆਂ ਨੂੰ ਸਰਧਾਂਜਲੀ ਰੂਪ ਵਿੱਚ ਸਿਜਦਾ ਕੀਤਾ।
ਇਹ ਕਾਫਲਾ ਪੂਰੇ ਪਿੰਡ ਵਿੱਚ ਦੀ ਹੁੰਦੇ ਹੋਏ ਪਿੰਡ ਦੇ ਖੇਡ ਮੈਦਾਨ ਵਿੱਚ ਪੁੱਜਿਆ ਜਿੱਥੇ ਸਾਰੇ ਖਿਡਾਰੀਆਂ ਤੇ ਪਿੰਡ ਵਾਸੀਆਂ ਨੇ ਮਹਾਨ ਖਿਡਾਰੀ ਨੂੰ ਸਰਧਾਂਜਲੀ ਦਿੱਤੀ।
ਇਸ ਮੌਕੇ ਪ੍ਧਾਨ ਬੀਰਬਲ ਸਿੰਘ ਨਿੰਮਾ, ਜਗਪਾਲ ਸਿੰਘ ਢੀਂਡਸਾ, ਪਿ੍ਤਪਾਲ ਸਿੰਘ, ਕਬੱਡੀ ਖਿਡਾਰੀ ਗੁਰਸੇਵਕ ਸਿੰਘ ਲੱਡੂ, ਲਾਡੀ ਸਿੰਘ, ਘਾਕੀ , ਹੈਪੀ,ਅੰਸ਼ੂ, ਖੁਸ਼ੀ,ਸੰਜੂ,ਰਵੀ, ਗੀਤਕਾਰ ਸੁੱਖੀ ਢੀਂਡਸਾ, ਸਿੰਦਾ, ਹਰਬੰਸ ਸਿੰਘ, ਜਸਪ੍ਰੀਤ ਜੱਸੀ, ਅਵਤਾਰ ਸਿੰਘ ਤਾਰੀ, ਜਗਤਾਰ ਸਿੰਘ ਤਾਰੀ, ਰਾਜੂ ਸਿੰਘ, ਸੁੱਖਾ ਟੇਲਰ, ਯੁੱਧਵੀਰ, ਖੁਸੀ, ਸੱਖਣ, ਬੌਬੀ, ਦੀਪ, ਕੁਲਦੀਪ ਸਿੰਘ, ਸੋਮਾ ਸਿੰਘ, ਬੇਅੰਤ ਸਿੰਘ, ਗੱਗੂ, ਸੇਬੀ, ਤਰਸੇਮ ਸਿੰਘ, ਜਗਰਾਜ ਸਿੰਘ, ਨਿੱਕਾ ਸਿੰਘ, ਇੰਦਰੀ, ਲਾਡੀ, ਗੁਰਵਿੰਦਰ ਸਿੰਘ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਹਾਜਰ ਸਨ।
