ਕਪੂਰਥਲਾ : ਰਾਜਪਾਲ ਸਿੰਘ ਸੰਧੂ ਆਈ.ਪੀ.ਐਸ, ਸੀਨੀਅਰ ਪੁਲਿਸ ਕਪਤਾਨ ਕਪੂਰਥਲਾ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮਿਤੀ 14-06-2023 ਦੀ ਦਰਮਿਆਨੀ ਰਾਤ ਨੂੰ ਅਜੀਤ ਸਿੰਘ ਵਾਲੀਆ ਵਾਸੀ ਕੋਠੀ ਨੰਬਰ 43 ਨਿਊ ਪਟੇਲ ਨਗਰ ਫਗਵਾੜਾ ਵਿਚ ਨੇਪਾਲੀ ਨੌਕਰ ਵੱਲੋਂ ਸੋਨੇ ਦੇ ਗਹਿਣੇ, ਨਕਦੀ ਅਤੇ ਲਾਇਸੈਂਸੀ ਰਿਵਾਲਵਰ ਖਾਣੇ ਵਿੱਚ ਨਸ਼ੀਲਾ ਪਦਾਰਥ ਮਿਲਾ ਕੇ ਚੋਰੀ ਕਰ ਲਿਆ। ਜਿਸ ਦੇ ਸਬੰਧ ਵਿੱਚ ਰਾਜੂ ਨੇਪਾਲੀ ਅਤੇ ਅਣਪਛਾਤੇ ਵਿਅਕਤੀਆਂ ਦੇ ਖਿਲਾਫ ਮੁਕੱਦਮਾ ਨੰਬਰ 1 ਮਿਤੀ 15.06.2023 ਜੁਰਮ 381,328 ਵਧੀਕ ਜੁਰਮ 120-ਬੀ ਬੀ.ਐਚ.ਡੀ ਥਾਣਾ ਸਿਟੀ ਫਗਵਾੜਾ ਜਿਲਾ ਕਪੂਰਥਲਾ ਦਰਜ ਕੀਤਾ ਗਿਆ ਸੀ। ਇਸ ਮਾਮਲੇ ਵਿੱਚ ਪੁਲੀਸ ਨੇ ਤਿੰਨ ਮੁਲਜ਼ਮਾਂ ਰਾਜੂ, ਵਰਿੰਦਰ ਵਾਸੀ ਨੇਪਾਲ, ਅਪਿੰਦਰ ਸ਼ਾਹੀ ਵਾਸੀ ਨੇਪਾਲ ਅਤੇ ਤਿਲਕ ਰਾਜ ਚੌਧਰੀ ਵਾਸੀ ਨੇਪਾਲ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਜਿਨ੍ਹਾਂ ਕੋਲੋਂ 6 ਲੱਖ 10 ਹਜ਼ਾਰ ਦੀ ਭਾਰਤੀ ਕਰੰਸੀ, 675 ਰੁਪਏ ਨੇਪਾਲੀ ਕਰੰਸੀ, ਲਾਇਸੈਂਸੀ ਰਿਵਾਲਵਰ ਅਤੇ 4 ਫ਼ੋਨ ਬਰਾਮਦ ਹੋਏ ਹਨ।
