ਨਿਊਯਾਰਕ (ਰਾਜ ਗੋਗਨਾ )—ਬੀਤੇਂ ਦਿਨ ਸੋਸ਼ਲ ਮੀਡੀਆ ‘ਤੇ ਇੱਕ ਦਿਲ ਦਹਿਲਾਉਣ ਵਾਲੀ ਵੀਡੀਓ ਕਾਫੀ ਸ਼ੇਅਰ ਕਰਨ ਤੋਂ ਬਾਅਦ, ਰਿਚਮੰਡ ਹਿੱਲ, ਨਿਊਯਾਰਕ ਚ’ ਰਹਿੰਦੀ ਇਕ ਪੰਜਾਬਣ ਮਨਦੀਪ ਕੌਰ ਨੇ ਖ਼ੁਦਕੁਸ਼ੀ ਕਰਕੇ ਆਪਣੀ ਜਾਨ ਗੁਆਂ ਲਈ, ਇੰਟਰਨੈੱਟ ‘ਤੇ ਵਾਇਰਲ ਹੋ ਰਹੀ ਦਿਲ ਦਹਿਲਾਉਣ ਵਾਲੀ ਵੀਡੀਓ ‘ਚ ਉਸ ਨੇ ਦੁਨੀਆ ਨੂੰ ਆਪਣੀ ਜ਼ਿੰਦਗੀ ਦੀਆਂ ਮੁਸ਼ਕਿਲਾਂ ਬਾਰੇ ਆਤਮ ਹੱਤਿਆ ਕਰਨ ਤੋ ਪਹਿਲਾ ਖੁੱਲ੍ਹ ਕੇ ਭਰੇ ਮਨ ਨਾਲ ਗੱਲ ਕੀਤੀ ਸੀ।ਇੱਥੇ ਅਮਰੀਕਾ ਚ’ ਰਹਿੰਦੇ ਪੰਜਾਬੀ ਭਾਈਚਾਰੇ ਦੇ ਲੋਕਾਂ ਵੱਲੋਂ ਮ੍ਰਿਤਕ ਮਨਦੀਪ ਕੌਰ ਲਈ ਇਨਸਾਫ਼ ਦੀ ਮੰਗ ਕੀਤੀ ਗਈ ਹੈ।ਜਿਸ ਨੇ ਪਿਛਲੇ ਅੱਠ ਸਾਲ ਤੋ ਪਤੀ ਅਤੇ ਉਸ ਦੇ ਪਰਿਵਾਰ ਦੀ ਘਰੇਲੂ ਹਿੰਸਾ ਬਾਰੇ ਵੀਡੀਉ ਚ’ ਗੱਲ ਕੀਤੀ ਜੋ ਉਹ ਇੰਨੇ ਸਾਲਾਂ ਤੋਂ ਝੱਲਦੀ ਆ ਰਹੀ ਸੀ। ਪੂਰੀ ਦੁਨੀਆ ਵਿੱਚ, ਔਰਤਾਂ ਘਰੇਲੂ ਹਿੰਸਾ ਤੋਂ ਬਹੁਤ ਜ਼ਿਆਦਾ ਪ੍ਰਭਾਵਿਤ ਹੁੰਦੀਆਂ ਹਨ। ਨਤੀਜੇ ਵਜੋਂ, ਔਰਤਾਂ ਅਕਸਰ ਹਿੰਸਾ ਦੇ ਵਧੇਰੇ ਗੰਭੀਰ ਰੂਪਾਂ ਦਾ ਅਨੁਭਵ ਕਰਦੀਆਂ ਹਨ। ਵਰਲਡ ਹੈਲਥ ਆਰਗੇਨਾਈਜ਼ੇਸ਼ਨ (WHO) ਦਾ ਅੰਦਾਜ਼ਾ ਹੈ ਕਿ ਘਰੇਲੂ ਹਿੰਸਾ ਤਿੰਨ ਵਿੱਚੋਂ ਇੱਕ ਔਰਤ ਨੂੰ ਉਹਨਾਂ ਦੇ ਜੀਵਨ ਵਿੱਚ ਕਿਸੇ ਸਮੇਂ ਪ੍ਰਭਾਵਿਤ ਕਰਦੀ ਹੈ।ਪੰਜਾਬੀਆ ਦੀ ਵੱਸੋ ਵਾਲੀ ਇਹ ਸੰਘਣੀ ਆਬਾਦੀ ਰਿਚਮੰਡ ਹਿੱਲ, ਨਿਊਯਾਰਕ ਚ’ ਰਹਿੰਦੀ ਮਨਦੀਪ ਕੌਰ ਨੇ ਹਰੇਕ ਇਨਸਾਨ ਦਾ ਦਿਲ ਦਹਿਲਾਉਣ ਵਾਲੀ ਵੀਡੀਓ ਆਨਲਾਈਨ ਸ਼ੇਅਰ ਕਰਕੇ ਦੁੱਖੀ ਹੋਈ ਨੇ ਖ਼ੁਦਕੁਸ਼ੀ ਕਰਕੇ ਆਪਣੀ ਜਾਨ ਗੁਆ ਲਈ। ਅਤੇ ਉਸਨੇ ਵੀਡੀਓ ਵਿੱਚ ਆਪਣੇ ਮਾਤਾ-ਪਿਤਾ ਅਤੇ ਪਰਿਵਾਰ ਤੋਂ ਮਰਨ ਤੋ ਪਹਿਲਾ ਮੁਆਫੀ ਵੀ ਮੰਗੀ ਅਤੇ ਕਿਹਾ ਕਿ ਉਸਨੇ ਆਪਣੀ ਜ਼ਿੰਦਗੀ ਖਤਮ ਕਰਨ ਦਾ ਆਖ਼ਰੀ ਫੈਸਲਾ ਲੈ ਲਿਆ ਹੈ। ਉਸ ਨੇ ਵੀਡੀਓ ਵਿੱਚ ਉਸ ਨੇ ਇਹ ਵੀ ਦੱਸਿਆ ਸੀ ਕਿ ਉਸ ਦੇ ਪਤੀ ਰਣਜੋਧਬੀਰ ਸਿੰਘ ਸੰਧੂ ਦੇ ਵਿਆਹ ਤੋਂ ਬਾਅਦ ਵੀ ਕਈਆਂ ਅੋਰਤਾਂ ਨਾਲ ਸਬੰਧ ਸਨ। ਮਨਦੀਪ ਕੌਰ ਨੇ ਰੋਂਦੇ ਹੋਏ ਵਾਇਰਲ ਹੋਈ ਦਿਲ ਦਹਿਲਾਉਣ ਵਾਲੀ ਵੀਡੀਉ ਵਿੱਚ ਇਹ ਵੀ ਖੁਲਾਸਾ ਕੀਤਾ ਕਿ ਉਸ ਦੇ ਪਤੀ ਵੱਲੋ ਅਨੇਕਾਂ ਵਾਰ ਪਹਿਲਾਂ ਵੀ ਉਸ ਦਾ ਸਰੀਰਕ ਸ਼ੋਸ਼ਣ ਕੀਤਾ ਸੀ। ਮ੍ਰਿਤਕ ਮਨਦੀਪ ਕੋਰ ਦੀ ਵੀਡੀਉ ਦੇ ਨਾਲ ਔਨਲਾਈਨ ਦਿਖਾਈ ਦੇਣ ਵਾਲੀ ਇੱਕ ਹੋਰ ਫੁਟੇਜ ਵਿੱਚ ਦਿਖਾਇਆ ਗਿਆ ਹੈ ਕਿ ਉਸ ਦਾ ਪਤੀ ਰਣਜੋਧਬੀਰ ਸਿੰਘ ਸੰਧੂ ਪਤਨੀ ਮਨਦੀਪ ਕੌਰ ਨੂੰ ਮੁੱਕਾ ਮਾਰ ਰਿਹਾ ਹੈ ਜਦੋਂ ਉਨ੍ਹਾਂ ਦੇ ਬੱਚੇ ਬੈਕਗ੍ਰਾਉਂਡ ਵਿੱਚ ਬੇਵੱਸ ਹੋ ਕੇ ਰੋ ਰਹੇ ਸਨ। ਗਵਾਹਾਂ ਦੇ ਅਨੁਸਾਰ, ਹੱਤਿਆ ਕਰਨ ਤੋ ਪਹਿਲਾ ਉਸ ਨੇ ਆਪਣੇ ਬੱਚਿਆਂ ਨੂੰ ਆਖਰੀ ਵਾਰ ਗਲੇ ਵੀ ਲਗਾਇਆ। ਕੇਸ ਦੀ ਜਾਂਚ ਅੱਗੇ ਵਧਣ ਦੇ ਨਾਲ-ਨਾਲ ਹੋਰ ਵੀ ਕਈ ਵੇਰਵਿਆਂ ਦਾ ਖੁਲਾਸਾ ਅਜੇ ਹੋਣਾ ਬਾਕੀ ਹੈ।ਮ੍ਰਿਤਕ ਮਨਦੀਪ ਕੌਰ ਦੀ ਉਮਰ ਸਿਰਫ 30 ਸਾਲ ਦੀ ਸੀ। ਔਨਲਾਈਨ ਪਾਈਆਂ ਗਈਆਂ ਅਫਵਾਹਾਂ ਦੇ ਅਨੁਸਾਰ, ਕੌਰ ਦੇ ਮਾਤਾ-ਪਿਤਾ ਅਤੇ ਪਰਿਵਾਰ ਨੇ ਉਸਦੇ ਪਤੀ ਨੂੰ ਬੇਨਤੀ ਕੀਤੀ ਹੈ ਕਿ ਉਹ ਉਸਦੀ ਲਾਸ਼ ਨੂੰ ਭਾਰਤ ਵਾਪਸ ਭੇਜ ਦੇਣ। ਅਤੇ ਉਸਦੇ ਅੰਤਿਮ ਸੰਸਕਾਰ ਦਾ ਪ੍ਰਬੰਧ ਉਸ ਦੇ ਮਾਪੇ ਅਤੇ ਪਰਿਵਾਰ ਕਰੇ। ਮਨਦੀਪ ਕੌਰ ਦੇ ਪਰਿਵਾਰ ਵਿੱਚ ਨਿਊਯਾਰਕ ਦੇ ਰਿਚਮੰਡ ਹਿੱਲ ਚ’ ਰਹਿੰਦੇ ਉਸ ਦਾ ਪਤੀ, ਅਤੇ ਦੋ ਧੀਆਂ ਸ਼ਾਮਲ ਹਨ।ਜਿੰਨਾਂ ਦੀ ਉਮਰ 2 ਅਤੇ 4 ਸਾਲ ਦੇ ਕਰੀਬ ਹੈ ਜੋ ਉਹ ਛੱਡ ਗਈ ਹੈ, ਜੋ ਵਰਤਮਾਨ ਵਿੱਚ ਆਪਣੇ ਪਿਤਾ ਦੀ ਦੇਖਭਾਲ ਵਿੱਚ ਹਨ। ਕੌਰ ਦਾ ਪਰਿਵਾਰ ਇਸ ਸਮੇਂ ਆਪਣੀ ਧੀ ਦੀ ਲਾਸ਼ ਨੂੰ ਭਾਰਤ ਵਾਪਸ ਉਸ ਦਾ ਅੰਤਿਮ ਸੰਸਕਾਰ ਕਰਨ ਜੱਦੋ ਜਹਿਦ ਕਰ ਰਿਹਾ ਹੈ। ਅਤੇ ਇਸ ਬੇਹੱਦ ਮੰਦਭਾਗੀ ਦੁੱਖਦਾਈ ਘਟਨਾ ਦੇ ਬਾਰੇ ਸਮੂੰਹ ਭਾਈਚਾਰੇ ਚ’ ਕਾਫੀ ਰੋਸ ਹੈ।
