ਜੰਡਿਆਲਾ ਗੁਰੂ (ਸੋਨੂੰ ਮਿਗਲਾਨੀ:- ਸ਼ਿਵਰਾਤਰੀ ਦੇ ਤਿਉਹਾਰ ਮੌਕੇ ਸਰਾਏ ਰੋਡ ਨਾਨਕ ਬਰਤਨ ਸਟੋਰ ਵੱਲੋਂ ਭੋਲੇ ਸ਼ੰਕਰ ਜੀ ਮਹਾਰਾਜ ਦਾ ਲੰਗਰ ਬੜੀ ਸ਼ਰਧਾ ਭਾਵਨਾ ਨਾਲ ਲਗਾਇਆ ਗਿਆ। ਜੰਡਿਆਲਾ ਸ਼ਹਿਰ ਦੇ ਲੋਕਾਂ ਦੇ ਨਾਲ-ਨਾਲ ਆਸ-ਪਾਸ ਦੇ ਪਿੰਡਾਂ ਦੇ ਲੋਕ ਵੀ ਇਸ ਲੰਗਰ ਵਿੱਚ ਪੁੱਜੇ। ਇਸ ਲੰਗਰ ਵਿੱਚ ਸੰਗਤਾਂ ਨੂੰ ਵੱਖ-ਵੱਖ ਪ੍ਰਕਾਰ ਦੇ ਪਕਵਾਨ ਜਿਵੇਂ ਛੋਲੇ, ਪੂੜੀਆਂ, ਲੌਂਜੀ, ਕੜਾਹ ਆਦਿ ਵਰਤਾਏ ਗਏ। ਇਸ ਦੇ ਨਾਲ ਭੋਲੇ ਭੰਡਾਰੀ ਦੇ ਭਜਨ ਚੱਲਦੇ ਰਹੇ। ਲੋਕ ਭਜਨ ਸੁਣ ਕੇ ਅਤੇ ਲੰਗਰ ਛਕ ਕੇ ਪ੍ਰਭੂ ਦਾ ਗੁਣਗਾਨ ਕਰਦੇ ਹੋਏ ਦੇਖੇ ਗਏ। ਇਹ ਲੰਗਰ ਦੁਪਹਿਰ 12:00 ਵਜੇ ਤੋਂ ਸ਼ੁਰੂ ਹੋ ਕੇ ਸ਼ਾਮ 6:00 ਵਜੇ ਤੱਕ ਚੱਲਦਾ ਰਿਹਾ, ਫਿਰ ਭੋਲੇਨਾਥ ਦਾ ਨਾਮ ਲੈ ਕੇ ਸਮਾਪਤ ਹੋਇਆ। ਇਸ ਮੌਕੇ ਤੇ ਵਰਿੰਦਰ ਸਿੰਘ ਮਲਹੋਤਰਾ ਪ੍ਰਧਾਨ ਬਰਤਨ ਯੂਨੀਅਨ, ਵਿਜੇ ਕੁਮਾਰ ਉਪ ਪ੍ਰਧਾਨ, ਹੀਰਾ ਲਾਲ,, ਸੋਨੀ ਅਨੇਜਾ ਪ੍ਰਧਾਨ ਸ਼੍ਰੀ ਰਾਮਨੌਮੀ ਉਤਸਵ ਕਮੇਟੀ, ਸੁਖਚੈਨ ਸਿੰਘ, ਪ੍ਰਿਸ਼ਵੀ ਗੁਰੂ, ਸੰਨੀ ਵਿਨਾਇਕ, ਰੌਕੀ ਜੈਨ, ਮੋਨੂੰ, ਰਾਹੁਲ ਕੁਮਾਰ, ਰਾਕੇਸ਼ ਕੁਮਾਰ, ਗਗਨ ਆਨੰਦ ਆਦਿ ਹਾਜ਼ਰ ਸਨ।
