ਭੁਲੱਥ (ਅਜੈ ਗੋਗਨਾ )—ਸ੍ਰੀ ਰਾਮਾ ਕ੍ਰਿਸ਼ਨਾ ਡਰਾਮਾਟ੍ਰਿਕ ਕਲੱਬ, ਭੁਲੱਥ ਜੋ ਪਿਛਲੇ ਕਰੀਬਨ 70 ਸਾਲ ਤੋ ਭੁਲੱਥ ਵਿੱਚ ਭਗਾਵਨ ਸ੍ਰੀ ਰਾਮ ਚੰਦਰ ਜੀ ਦੀ ਲੀਲਾ ਕਰਦੇ ਹਨ। ਇਸ ਸਾਲ ਵੀ ਰਾਮ ਲੀਲਾ ਦੀ ਤਿਆਰੀ ਸੁਰੂ ਕਰ ਦਿੱਤੀ ਗਈ ਹੈ। ਰਾਮ ਲੀਲਾ ਦੀ ਸਟੇਜ ਨੂੰ ਪੱਕਾ ਕੀਤਾ ਜਾ ਰਿਹਾ ਹੈ ਅਤੇ ਆਲੇ-ਦੁਆਲੇ ਸਫਾਈ ਕਰਾਈ ਜਾ ਰਹੀ ਹੈ। ਇਸ ਕਮੇਟੀ ਦੇ ਪ੍ਰਧਾਨ ਸ੍ਰੀ ਸੁਦੇਸ਼ ਕੁਮਾਰ ਦੱਤਾ ਨੇ ਦੱਸਿਆ ਕਿ ਪ੍ਰਭੂ ਸ੍ਰੀ ਰਾਮ ਜੀ ਦੇ ਸਾਰੇ ਭਗਤਾਂ ਤੇ ਰਾਮ ਲੀਲਾ ਕਰਨ ਵਾਲੇ ਪਾਤਰਾ ਨੂੰ ਰਾਮ ਲੀਲਾ ਕਰਨ ਦਾ ਬਹੁਤ ਹੀ ਜ਼ਿਆਦਾ ਉਤਸਾਹ ਹੁੰਦਾ ਹੈ।ਅਤੇ ਭੁਲੱਥ ਦੀ ਸੰਗਤ ਵੀ ਸਮਾਂ ਕੱਢ ਕੇ ਰਾਮ ਲੀਲਾ ਦੇਖਣ ਦਾ ਆਨੰਦ ਮਾਣਦੀ ਹੈ ਅਤੇ ਸ਼੍ਰੀ ਰਾਮ ਭਗਾਵਨ ਜੀ ਨੂੰ ਯਾਦ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਵਾਰ ਕੁੱਝ ਨਵੇਂ ਅੰਦਾਜ ਨਾਲ ਰਾਮ ਲੀਲਾ ਹੋਵੇਗੀ ਅਤੇ ਦੇਖਣ ਆਈ ਇਲਾਕੇ ਦੀ ਸਮੂੰਹ ਸੰਗਤ ਲਈ ਹਰ ਤਰ੍ਹਾਂ ਦੀ ਸਹੂਲਤ ਦੇ ਪ੍ਰਬੰਧ ਯਕੀਨੀ ਤੋਰ ਤੇ ਕੀਤੇ ਜਾਣਗੇ। ਇਸ ਮੋਕੇ ਕਮੇਟੀ ਨਾਲ ਸਬੰਧਤ ਸਮਾਜ ਸੇਵੀ ਸ੍ਰੀ ਸ਼ਾਮ ਲਾਲ ਸਰਮਾਂ, ਅਸ਼ੋਕ ਕੁਮਾਰ ਘਈ, ਅਨਿਲ ਕੁਮਾਰ ਦੱਤਾ, ਚੀਨੂੰ ਦੱਤਾ, ਸਾਮ ਲਾਲ ਡੰਗ, ਰਾਮ ਰਤਨ ਮੰਗੂ, ਸਾਗਰ, ਸਾਬੀ ਅੱਲੜ ਤੇ ਹੋਰ ਕਮੇਟੀ ਮੈਂਬਰ ਹਾਜਰ ਸਨ।
