ਚੰਡੀਗੜ (ਪ੍ਰੀਤਮ ਲੁਧਿਆਣਵੀ),: ਰੋਸ਼ਨੀ ਦੀ ਕਿਰਨ ਵੈਲਫੇਅਰ ਸੁਸਾਇਟੀ ਰਜਿ ਦੇ ਦਫਤਰ ਵਿਖੇ ਚੀਫ ਐਡੀਟਰ ਫਿਲਮੀ ਫੋਕਸ ਨਰਿੰਦਰ ਨੂਰ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਪੰਜਾਬੀ ਮੈਗਜ਼ੀਨ ਫਿਲਮੀ ਫੋਕਸ ਵੱਲੋਂ ਕੁਝ ਖਾਸ ਸ਼ਖਸੀਅਤਾਂ ਦਾ ਵਿਸ਼ੇਸ਼ ਸਨਮਾਨ ਸਮਾਰੋਹ ‘ਰੋਸ਼ਨੀ ਦੀ ਕਿਰਨ ਵੈਲਫੇਅਰ ਸੁਸਾਇਟੀ ਰਜਿ’ ਦੇ ਦਫਤਰ ਸ਼ਹੀਦ ਭਗਤ ਸਿੰਘ ਨਗਰ ਧਾਂਦਰਾ ਰੋਡ ਵਿਖੇ ਜਰਨਲਿਸਟ ਪ੍ਰੈੱਸ ਕਲੱਬ ਰਜਿ ਪੰਜਾਬ ਦੀ ਲੁਧਿਆਣਾ ਟੀਮ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ, ਜਿਸ ਵਿੱਚ ਅਦਾਰਾ ਜੁਝਾਰ ਟਾਈਮਜ ਦੇ ਪੱਤਰਕਾਰ ਸਰਬਜੀਤ ਸਿੰਘ ਖਾਲਸਾ ਗੀਤਕਾਰ (ਬੱਬੀ ਮਾਣਕਵਾਲੀਆ) ਨੂੰ ਵਿਸ਼ੇਸ ਸਨਮਾਨ ਨਾਲ ਸਨਮਾਨਿਤ ਕੀਤਾ ਗਿਆ ਅਤੇ ਓਹਨਾ ਨਾਲ ਪੰਜਾਬ ਦੀਆਂ ਛੇ ਨਾਮਵਰ ਸ਼ਖਸੀਅਤਾਂ ਦਾ ਵੀ ਸਨਮਾਨ ਕੀਤਾ ਗਿਆ ਜਿਨਾਂ ਵਿੱਚ ਗੀਤਕਾਰ, ਲੇਖਕ ਤੇ ਪੱਤਰਕਾਰ ਸਰਬਜੀਤ ਸਿੰਘ ਬੱਬੀ ਮਾਣਕਵਾਲੀਆ ਨੂੰ ‘ਕਲਮ ਦਾ ਧਨੀ ਵਿਸ਼ੇਸ ਐਵਾਰਡ, ਕੋ ਸਿੰਗਰ ਹਰਪ੍ਰੀਤ ਸਿੰਘ ਨੂੰ ‘ਮਾਣ ਪੰਜਾਬ ਦਾ ਵਿਸ਼ੇਸ ਐਵਾਰਡ’, ਹਰਜੀਤ ਕੌਰ ਨੂੰ ‘ਧੀ ਪੰਜਾਬ ਦੀ ਵਿਸ਼ੇਸ ਐਵਾਰਡ’, ਮਨਪ੍ਰੀਤ ਸਿੰਘ ਕੀ-ਬੋਰਡ ਪਲੇਅਰ ਨੂੰ ‘ਲਾਈਫ-ਟਾਈਮ ਅਚੀਵਮੈਂਟ ਐਵਾਰਡ’, ਪੈੜ-ਪਲੇਅਰ ਗੁਰਜੀਵਤ ਸਿੰਘ ਨੂੰ ‘ਮਾਣ ਪੰਜਾਬ ਦਾ ਵਿਸ਼ੇਸ ਐਵਾਰਡ ਤੇ ਅਮਨਦੀਪ ਸਿੰਘ ਨੂੰ ‘ਕਲਾ ਦਾ ਪੁਜਾਰੀ ਵਿਸ਼ੇਸ਼ ਐਵਾਰਡ’ ਨਾਲ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਫਿਲਮੀ ਫੋਕਸ ਦੇ ਚੀਫ ਐਡੀਟਰ ਨਰਿੰਦਰ ਨੂਰ ਨੇ ਦੱਸਿਆ ਕਿ ਸਾਡਾ ਮਕਸਦ ਹਰ ਖੇਤਰ ਵਿੱਚ ਕੰਮ ਕਰਨ ਵਾਲਿਆਂ ਨੂੰ ਉਤਸ਼ਾਹਿਤ ਕਰਨਾ ਹੈ। ਇਸ ਮੌਕੇ ਓਹਨਾ ਨਾਲ ਸਮਾਜ ਦੀਆਂ ਕਈ ਉਘੀਆਂ ਸ਼ਖਸੀਅਤਾਂ ਹਾਜਰ ਸਨ। ਸਨਮਾਨਿਤ ਸ਼ਖ਼ਸੀਅਤਾਂ ਨੇ ਜਿੱਥੇ ਫਿਲਮੀ ਫੋਕਸ ਅਦਾਰੇ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ, ਉਥੇ ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਗੀਤਕਾਰ ਬੱਬੀ ਮਾਣਕਵਾਲੀਆ ਨੇ ਕਿਹਾ, ‘ਮੈਨੂੰ ਸਨਮਾਨਿਤ ਕਰਨ ਲਈ ਮੈਂ ਫਿਲਮੀ ਫੋਕਸ ਅਦਾਰੇ ਦਾ ਹਮੇਸ਼ਾ ਰਿਣੀ ਰਵਾਂਗਾ। ਮੈਂ ਮਾਣ ਮਹਿਸੂਸ ਕਰਦਾ ਹਾਂ ਕਿ ਮੈਨੂੰ ਅਦਾਰੇ ਨੇ ਐਨਾ ਵੱਡਾ ਮਾਣ ਬਖਸ਼ਿਆ ਹੈ। ਇਸ ਲਈ ਹੁਣ ਮੇਰੀ ਜ਼ਿੰਮੇਵਾਰੀ ਹੋਰ ਵੀ ਵੱਧ ਗਈ ਹੈ ਕਿ ਮੈਂ ਕਲਮ ਨੂੰ ਕਦੇ ਝੁੱਕਣ ਨਾ ਦੇਵਾਂ ਅਤੇ ਕਲਮ ਰਾਹੀਂ ਸੱਚ ਅਤੇ ਲੋਕਾਂ ਦੀਆਂ ਮੁਸ਼ਕਲਾਂ ਵਾਰੇ ਲਿਖਦਾ ਰਹਾਂ। ਇਸ ਮੌਕੇ ਵਿਸ਼ੇਸ ਤੌਰ ਤੇ ਸਰਪੰਚ ਗੁਰਮੀਤ ਸਿੰਘ ਗਰੇਵਾਲ, ਆਰ ਜੇ, ਪ੍ਰਧਾਨ ਇੰਦਰਜੀਤ ਕੌਰ ਪੰਚ, ਮੈਡਮ ਡਿੰਪਲ, ਪ੍ਰਧਾਨ ਪ੍ਰਮੋਦ ਚੌਟਾਲਾ, ਚੇਅਰਮੈਨ ਜਸਵਿੰਦਰ ਸਿੰਘ ਜੱਸੀ, ਉਘੇ ਸਮਾਜ ਸੇਵੀ ਸ੍ਰੀ ਰਕੇਸ਼ ਗੋਇਲ, ਰਮੇਸ਼ ਲੁਧਿਆਣਵੀ, ਪੱਤਰਕਾਰ ਗਰਚਾ, ਐਸ ਚੌਟਾਲਾ, ਸੁਮਿਤ ਸਹਿਗਲ, ਮਲਕੀਤ ਸਿੰਘ ਗੋਲਡੀ ਆਦਿ ਵੱਡੀ ਗਿਣਤੀ ਵਿਚ ਮੋਹਤਵਰ ਵਿਅਕਤੀ ਹਾਜ਼ਰ ਸਨ।
