ਅਲਬਰਟਾ – ਫੈਡਰਲ ਰੱਖਿਆ ਮੰਤਰੀ ਅਨੀਤਾ ਆਨੰਦ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਯੁਕ੍ਰੇਨ ਸੰਕਟ ਦੇ ਦੌਰਾਨ ਰੱਖਿਆ ਖਰਚਿਆਂ ਲਈ ‘ਹਮਲਾਵਰ ਵਿਕਲਪ’ ਰੱਖੇਗੀ।
ਆਨੰਦ ਨੇ ਦੱਸਿਆ ਕਿ ਮੇਰੀ ਭੂਮਿਕਾ ਸਾਡੀ ਸਰਕਾਰ ਲਈ ਵਿਚਾਰ ਕਰਨ ਲਈ ਕਈ ਵੱਖ-ਵੱਖ ਵਿਕਲਪਾਂ ਨੂੰ ਅੱਗੇ ਲਿਆਉਣਾ ਹੈ। ਜਰਮਨੀ, ਪੋਲੈਂਡ ਅਤੇ ਡੈਨਮਾਰਕ ਸਮੇਤ ਕਈ ਯੂਰਪੀਅਨ ਦੇਸ਼ਾਂ ਨੇ ਯੁਕ੍ਰੇਨ ਸੰਕਟ ਦੇ ਜਵਾਬ ਵਿਚ ਫੌਜੀ ਖਰਚੇ ਵਧਾ ਦਿੱਤੇ ਹਨ। ਨਾਟੋ ਦੇ ਅਨੁਸਾਰ 2021 ਵਿਚ ਕੈਨੇਡਾ ਦਾ ਰੱਖਿਆ ਖਰਚ ਜੀਡੀਪੀ ਦਾ ਅੰਦਾਜ਼ਨ 1.4 ਫੀਸਦੀ ਸੀ। ਆਨੰਦ ਨੇ ਕਿਹਾ ਕਿ ਉਹ ਅਜਿਹੇ ਵਿਕਲਪ ਸਥਾਪਤ ਕਰੇਗੀ ਜਿਸ ਦਾ ਮਤਲਬ ਹੋਵੇਗਾ ਰੱਖਿਆ ਖਰਚਾ ਨਾਟੋ ਦੇ ਕੁਲ ਘਰੇਲੂ ਉਤਪਾਦ (ਜੀਡੀਪੀ) ਦੇ ਦੋ ਫੀਸਦੀ ਦੇ ਟੀਚੇ ਤੋਂ ਵੱਧ ਹਿੱਟ ਜਾਂ ਘੱਟ ਹੋਣਾ। ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਬੁੱਧਵਾਰ ਨੂੰ ਕਿਹਾ ਸੀ ਕਿ ਉਹ ਯੁਕ੍ਰੇਨ ’ਤੇ ਰੂਸ ਦੇ ਹਮਲੇ ’ਤੇ ਕੇਂਦਰਿਤ ਨਾਟੋ ਸੰਮੇਲਨ ਲਈ ਅਗਲੇ ਹਫਤੇ ਬ੍ਰਸੇਲਜ਼ ਦੀ ਯਾਤਰਾ ਕਰਨਗੇ।
