ਖੁਸ਼ਬੂ ਪੰਜਾਬ ਦੀ

Latest news
ਡੀਏਵੀ ਯੂਨੀਵਰਸਿਟੀ ਨੇ ਤਣਾਅ ਪ੍ਰਬੰਧਨ 'ਤੇ ਕਰਵਾਈ ਪੈਨਲ ਚਰਚਾ ਡੀਏਵੀ ਯੂਨੀਵਰਸਿਟੀ ਅਤੇ ਸਸ਼ਤ੍ਰ ਸੀਮਾ ਬਲ ਨੇ ਏਸ ਏਸ ਬੀ ਕਰਮਚਾਰੀਆਂ ਦੇ ਬੱਚਿਆਂ ਦੀ ਸਿਖਿਆ ਵਾਸਤੇ ਕੀਤਾ ਸਮਝੌਤਾ ਪੰਜਾਬ ਦਾ ਬਜਟ ਬੇਅਸਰ, ਦਿਸ਼ਾਹੀਣ ਅਤੇ ਨਿਰਾਸ਼ਾਜਨਕ : ਸ਼ੇਰਗਿੱਲ ਪੰਜਾਬ ਸਰਕਾਰ ਆਪਣੀ ਰਾਸ਼ਨ ਵੰਡ ਸਕੀਮ ਮੁੜ ਸ਼ੁਰੂ ਕਰੇ: ਵਿਧਾਇਕ ਵਿਕਰਮਜੀਤ ਸਿੰਘ ਚੌਧਰੀ ਡੀਏਵੀ ਯੂਨੀਵਰਸਿਟੀ ਵੱਲੋਂ ਕਰਵਾਈ ਗਈ ਸਾਲਾਨਾ ਐਥਲੈਟਿਕ ਮੀਟ ਕੱਚਾ ਮੁਲਾਜ਼ਮ ਸਾਂਝਾ ਮੋਰਚਾ ਪੰਜਾਬ ਨਾਲ ਲਿਖ਼ਤੀ ਪੈਨਲ ਮੀਟਿੰਗ ਕਰਨ ਤੋਂ ਭੱਜੀ ਪੰਜਾਬ ਸਰਕਾਰ डीएवी यूनिवर्सिटी ने मनाया नेशनल साइंस डे ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਵਲੋਂ ਮਾਂ ਬੋਲੀ ਦਿਵਸ ਨੂੰ ਸਮਰਪਿਤ ਆਨਲਾਈਨ ਕਵੀ ਦਰਬਾਰ ਕਰਵਾਇਆ ਇਜ਼ਰਾਈਲੀ ਮਾਹਿਰ ਵੱਲੋਂ ਸੈਂਟਰ ਆਫ ਐਕਸੀਲੈਂਸ ਫਾਰ ਵੈਜ਼ੀਟੇਬਲਜ਼ (ਇੰਡੋ—ਇਜ਼ਰਾਈਲ ਪ੍ਰੌਜ਼ੈਕਟ) ਦਾ ਕੀਤਾ ਗਿਆ ਦੌਰਾ डीएवी यूनिवर्सिटी ने कराया आर्मी में करियर पर लैक्चर

ਮੇਰੇ ਬਣਵਾਏ 11 ਕਿਲੋ ਲੱਡੂ ਕਿਸੇ ਕੰਮ ਨਾ ਆਏ : ਨੀਟੂ ਸ਼ਟਰਾਵਾਲਾਂ

ਜਲੰਧਰ  : ਜਲੰਧਰ ਜ਼ਿਮਨੀ ਚੋਣ ’ਚ ਆਜ਼ਾਦ ਉਮੀਦਵਾਰ ਨੀਟੂ ਸ਼ਟਰਾਵਾਲਾਂ ਪੰਜਾਬ ’ਚ ਫੁੱਟ-ਫੁੱਟ ਕੇ ਰੋ ਪਏ। ਨੀਟੂ ਸ਼ਟਰਾਵਾਲਾਂ ਨੂੰ ਲੋਕ ਸਭਾ ਜ਼ਿਮਨੀ ਚੋਣ ’ਚ ਕਰੀਬ 3 ਹਜ਼ਾਰ ਵੋਟਾਂ ਮਿਲੀਆਂ ਹਨ। ਨੀਟੂ ਸ਼ਟਰਾਵਾਲਾਂ ਨੇ ਕਿਹਾ ਕਿ ਅੱਜ ਇਕ ਵਾਰ ਫਿਰ ਲੋਕਾਂ ਤੋਂ ਉਸ ਦਾ ਦਿਲ ਟੁੱਟ ਗਿਆ ਹੈ। ਉਸ ਨੂੰ ਪੂਰੀ ਉਮੀਦ ਸੀ ਕਿ ਉਹ ਜਿੱਤ ਜਾਵੇਗਾ। ਜਿੱਤ ਦੀ ਖੁਸ਼ੀ ’ਚ ਉਸ ਨੇ 11 ਕਿੱਲੋ ਦੇ ਲੱਡੂ ਤਿਆਰ ਕੀਤੇ ਸਨ ਪਰ ਉਸ ਦੇ ਲੱਡੂ ਧਰੇ ਧਰਾਏ ਰਹਿ ਗਏ।
ਨੀਟੂ ਸ਼ਟਰਾਵਾਲਾਂ ਵੀ ਪੰਜਾਬ ’ਚ ਸੋਸ਼ਲ ਮੀਡੀਆ ਸਰਗਰਮ ਰਹਿਣ ਵਾਲਾ ਹੈ। ਨੀਟੂ ਸ਼ਟਰਾਵਾਲਾਂ ਨੇ ਸ਼ਕਤੀਮਾਨ ਦਾ ਪਹਿਰਾਵਾ ਪਾ ਕੇ ਜਲੰਧਰ ਦੇ ਲੋਕਾਂ ਨੂੰ ਆਕਰਸ਼ਿਤ ਕਰਨ ਦੀ ਕਾਫੀ ਕੋਸ਼ਿਸ਼ ਕੀਤੀ। ਨੀਟੂ ਸ਼ਟਰਾਵਾਲਾਂ ਨੇ ਆਪਣੇ ਪੁਰਾਣੇ ਮੋਟਰਸਾਈਕਲ ਦੀ ਟੈਂਕੀ ’ਤੇ ਐਂਪਲੀਫਾਇਰ ਅਤੇ ਮਾਈਕ ਲਗਾ ਦਿੱਤਾ ਅਤੇ ਅੱਗੇ ਵੱਡਾ ਪੁਰਾਣਾ ਸਪੀਕਰ ਲਗਾ ਕੇ ਆਪਣਾ ਪ੍ਰਚਾਰ ਕੀਤਾ। ਚੋਣ ਕਮਿਸ਼ਨ ਨੇ ਨੀਟੂ ਸ਼ਟਰਾਵਾਲਾਂ ਨੂੰ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜਨ ਲਈ ਆਟੋ ਰਿਕਸ਼ਾ ਦਾ ਚੋਣ ਨਿਸ਼ਾਨ ਦਿੱਤਾ ਸੀ। ਆਪਣੀ ਕਾਮੇਡੀ ਕਰਕੇ ਲਾਈਮਲਾਈਟ ਵਿੱਚ ਰਹਿਣ ਵਾਲਾ ਨੀਟੂ ਸ਼ਟਰਾਵਾਲਾਂ ਹਰ ਵਾਰ ਚੋਣਾਂ ਵਿੱਚ ਖੜ੍ਹਾ ਹੁੰਦਾ ਹੈ ਅਤੇ ਹਰ ਵਾਰ ਹਾਰ ਜਾਂਦਾ ਹੈ। ਪਰ ਫਿਰ ਵੀ ਭਾਵੇਂ ਨਗਰ ਨਿਗਮ ਦੀ ਚੋਣ ਹੋਵੇ ਜਾਂ ਵਿਧਾਨ ਸਭਾ ਜਾਂ ਲੋਕ ਸਭਾ ਦੀ ਚੋਣ, ਉਹ ਸਭ ਵਿਚ ਆਪਣੀ ਨਾਮਜ਼ਦਗੀ ਭਰਦਾ ਹੈ। ਨੀਟੂ ਸ਼ਟਰਾਵਾਲਾਂ ਅਸਲ ਵਿੱਚ ਲੋਹੇ ਦਾ ਮਾਮੂਲੀ ਕਾਰੀਗਰ ਹੈ। ਕਰੀਬ ਪੰਜ ਸਾਲ ਪਹਿਲਾਂ ਉਹ ਗਣਤੰਤਰ ਦਿਵਸ ’ਤੇ ਬੰਬ ਵਰਗੀ ਸ਼ੱਕੀ ਵਸਤੂ ਫੜੇ ਜਾਣ ਤੋਂ ਬਾਅਦ ਸੁਰਖੀਆਂ ’ਚ ਆਇਆ ਸੀ। ਹੁਣ ਸ਼ਹਿਰ ਦਾ ਸ਼ਾਇਦ ਹੀ ਕੋਈ ਕੋਨਾ ਅਜਿਹਾ ਹੋਵੇਗਾ, ਜਿੱਥੇ ਨੀਟੂ ਸ਼ਟਰਾਵਾਲਾਂ ਲਿਖਿਆ ਨਾ ਮਿਲਿਆ ਹੋਵੇ। ਨੀਟੂ ਮਈ 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਜਲੰਧਰ ਸੀਟ ਤੋਂ ਆਜ਼ਾਦ ਉਮੀਦਵਾਰ ਸੀ। ਜਦੋਂ 23 ਮਈ ਨੂੰ ਵੋਟਾਂ ਦੀ ਗਿਣਤੀ ਹੋ ਰਹੀ ਸੀ, ਠੀਕ 4 ਵਜੇ ਨੀਟੂ ਲੋਕਾਂ ਵਿਚ ਰੋਅ ਪਿਆ। ਦਰਅਸਲ, ਸ਼ਾਮ 3.45 ਵਜੇ ਤੱਕ ਨੀਟੂ ਦੇ ਖਾਤੇ ਵਿੱਚ ਸਿਰਫ਼ 840 ਵੋਟਾਂ ਹੀ ਆਈਆਂ ਸਨ। ਅੱਖਾਂ ’ਚ ਹੰਝੂ ਲੈ ਕੇ ਨੀਟੂ ਨੇ ਕਿਹਾ, ਉਸ ਦੇ ਇਲਾਕੇ ਦੇ ਲੋਕਾਂ ਨੇ ਮਾਤਾ ਚਿੰਤਪੁਰਨੀ ਦੀ ਸਹੁੰ ਖਾ ਕੇ ਉਸ ਨੂੰ ਵੋਟ ਦੇਣ ਦੀ ਗੱਲ ਕਹੀ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਦੇ ਆਪਣੇ ਪਰਿਵਾਰ ਦੀਆਂ 9 ਵੋਟਾਂ ਹਨ। ਪਰਿਵਾਰ ਦੀਆਂ ਵੋਟਾਂ ਵੀ ਪੂਰੀਆਂ ਨਾ ਹੋਣ ’ਤੇ ਨੀਟੂ ਦੇ ਹੋਸ਼ ਉਡ ਗਏ। ਜਾਂਚ ਕਰਨ ’ਤੇ ਨੀਟੂ ਨੂੰ ਪਤਾ ਲੱਗਾ ਕਿ ਉਸ ਦੇ ਪਰਿਵਾਰ ਦੀਆਂ ਕੁੱਲ 9 ਵੋਟਾਂ ’ਚੋਂ ਉਸ ਨੂੰ ਸਿਰਫ 5 ਵੋਟਾਂ ਮਿਲੀਆਂ, ਬਾਕੀ 4 ਵੋਟਾਂ ਕਿੱਥੇ ਗਈਆਂ, ਮੈਨੂੰ ਕੁਝ ਨਹੀਂ ਪਤਾ।C

Loading

Scroll to Top