ਭੁਲੱਥ (ਅਜੈ ਗੋਗਨਾ )— ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਨੂਰ ਜੋਤਾਂ ਵਾਲੀ ਦਾ ਤਿਉਹਾਰ ਭੁਲੱਥ ਵਿਖੇ ਬਹੁਤ ਸਰਧਾ ਸਿੱਦਤ ਅਤੇ ਧੂਮ ਧਾਮ ਨਾਲ ਨਾਲ ਮਹਾਮਾਈ ਦੇ ਸਰਧਾਲੂਆਂ ਅਤੇ ਭਗਤਾਂ ਪਿਆਰਿਆਂ ਅਤੇ ਸੇਵਾਦਾਰਾਂ ਵੱਲੋਂ ਬੜੀ ਸ਼ਰਧਾ ਦੇ ਨਾਲ ਭੁਲੱਥ ਵਿਖੇ ਮਨਾਇਆ ਜਾ ਰਿਹਾ ਹੈ।ਜਿੱਥੇ ਬਹੁਤ ਹੀ ਖੂਬਸੂਰਤ ਤੇ ਅਦਭੁੱਤ ਤਰੀਕੇ ਦੇ ਨਾਲ ਮਾਂ ਦੀ ਪਾਵਨ ਜੋਤਾਂ ਨੂੰ ਬਿਰਾਜਮਾਨ ਕੀਤਾ ਗਿਆ ਹੈ।ਅਤੇ ਚਾਂਦੀ ਰੰਗ ਦੀ ਪਾਲਕੀ ਵਿੱਚ ਮਾਂ ਸ਼ੇਰਾਵਾਲੀ ਦੇ ਆਕਰਸ਼ਕ ਸਵਰੂਪ ਨੂੰ ਸਜਾਇਆ ਗਿਆ ਹੈ। ਬੜੀ ਭਾਗਾਂ ਵਾਲੀ ਗੱਲ੍ਹ ਹੈ ਕਿ ਇਸ ਵਾਰ 17 ਪਾਵਨ ਸ਼ਕਤੀਪੀਠਾਂ ਦੇ ਦਰਸ਼ਨਾਂ ਦਾ ਭੁਲੱਥ ਇਲਾਕੇ ਦੀਆਂ ਸੰਗਤਾਂ ਨੂੰ ਸੁਭਾਗ ਪ੍ਰਾਪਤ ਕਰ ਰਹੇ ਹਨ। ਇਸ ਸ਼ਲਾਘਾਯੋਗ ਉਪਰਾਲੇ ਦੇ ਲਈ ਤਾਰੀਫ ਦੀ ਪਾਤਰ ਸਮੁੱਚੀ ਜੇ.ਐਮ.ਡੀ ਦੇ ਸੇਵਾਦਾਰ ਪਰਿਵਾਰ ਦੀ ਮਿਹਨਤ ਸਦਕਾ ਇਹ ਰਹਿਮਤੀ ਪਲ ਦੇਖਣ ਨੂੰ ਮਿਲ ਰਹੇ ਹਨ ਅਤੇ ਸੰਗਤਾਂ ਤਿਉਹਾਰ ਦਾ ਆਨੰਦ ਮਾਣ ਰਹੀਆਂ ਹਨ।ਮਾਂ ਦੇ ਭਗਤਾਂ ਵੱਲੋਂ ਰੋਜਾਨਾਂ ਲੰਗਰ ਲਗਾਏ ਜਾ ਰਹੇ ਹਨ ਅਤੇ ਵੱਡੀ ਗਿਣਤੀ ਵਿੱਚ ਸੰਗਤਾਂ ਆਪਣੀ ਅਰਾਦਨਾ ਕਰਕੇ ਲੰਗਰ ਛਕਦੀਆ ਹਨ।
