ਭੁਲੱਥ (ਅਜੈ ਗੋਗਨਾ )—ਅੱਜ ਭੁਲੱਥ ਦੇ ਐਲਪਾਇਨ ਪਬਲਿਕ ਸਕੂਲ ਭੁਲੱਥ ਵਿਖੇਂ ਕ੍ਰਿਸ਼ਨ ਜਨਮ ਅਸ਼ਟਮੀ ਬੜੀ ਸ਼ਰਧਾ ਅਤੇ ਧੂਮ ਧਾਮ ਨਾਲ ਮਨਾਈ ਗਈ। ਅਤੇ ਬੱਚਿਆ ਨੂੰ ਸੀ਼੍ ਕ੍ਰਿਸ਼ਨ ਜੀ ਦੇ ਇਤਿਹਾਸ ਤੋਂ ਜਾਣੂ ਕਰਵਾਇਆ ਗਿਆ। ਕੁੱਝ ਬੱਚਿਆਂ ਵੱਲੋਂ ਡਾਂਸ ਕਰਕੇ ਜਸ਼ਨ ਮਨਾਇਆ ਗਿਆ। ਇਸ ਮੌਕੇ ਸੀ਼੍ ਕਿ੍ਸ਼ਨ ਜੀ ਦਾ ਕਿਰਦਾਰ ਛੋਟੇ ਬੱਚਿਆਂ ਹਿਤੇਸ਼ ਕਾਲੀਆ ਅਤੇ ਰਾਧਾ ਮਈਆ ਦਾ ਕਿਰਦਾਰ ਪੀਹੂ ਕਾਲੀਆ ਵੱਲੋਂ ਨਿਭਾਇਆ ਗਿਆ। ਵਿਦਿਆਰਥੀਆਂ ਵੱਲੋਂ ਕਿ੍ਸ਼ਨ ਕਨ੍ਹਈਆਂ ਜੀ ਦਾ ਝੂਲਾ ਸਜਾਇਆ ਗਿਆ ਅਤੇ ਕਲਾਸਾਂ ਵਿੱਚ ਵੱਖ- ਵੱਖ ਐਕਵਿਟੀ ਕਰਵਾਈਆਂ ਗਈਆਂ। ਇਸ ਮੌਕੇ ਸਕੂਲ ਦੇ ਚੇਅਰਮੈਨ ਸ:ਬਲਵਿੰਦਰ ਸਿੰਘ ਚੀਮਾਂ ਅਤੇ ਪ੍ਰਿੰਸਪਲ ਜਸਪੀ੍ਤ ਕੌਰ ਵੱਲੋਂ ਬੱਚਿਆ ਨੂੰ ਧਾਰਮਿਕ ਮਹੱਤਤਾ ਦੱਸਦਿਆਂ ਸੱਚ ਅਤੇ ਚੰਗਿਆਈ ਦੇ ਰਾਹ ਤੇ ਚੱਲਣ ਲਈ ਪ੍ਰੇਰਿਤ ਕੀਤਾ ਗਿਆ।
