ਮਲੇਸ਼ੀਆ (ਹਰਜਿੰਦਰ ਪਾਲ ਛਾਬੜਾ) – ਬੀਤੇ ਦਿਨ ਮਲੇਸ਼ੀਆ ਕੁਆਲਾਲੰਪੁਰ ਵਿੱਚ ਯੂਨਾਇਟਿਡ ਕਬੱਡੀ ਫੈਡਰੇਸ਼ਨ ਆਫ ਮਲੇਸ਼ੀਆ ਵਲੋਂ ਪ੍ਰਸਿੱਧ ਕਬੱਡੀ ਪ੍ਰਮੋਟਰ ਤੇ ਫਿਲਮ ਨਿਰਮਾਤਾ ਜੋਤੀ ਸਹੋਤਾ ਕਨੇਡਾ ਜੀ ਦਾ ਭਰਵਾਂ ਸੁਆਗਤ ਕੀਤਾ ਗਿਆ। ਸਾਨੂੰ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਮਲੇਸ਼ੀਆ ਤੋ ਕਬੱਡੀ ਪ੍ਰਮੋਟਰ ਪ੍ਰੀਤ ਖੰਡੇਵਾਲਾ ਮਲੇਸ਼ੀਆ ਨੇ ਦੱਸਿਆ ਇਸ ਮੌਕੇ ਜੋਤੀ ਸਹੋਤਾ ਕਨੇਡਾ ਤੇ ਸਮੁੱਚੀ ਯੂਨਾਇਟਿਡ ਕਬੱਡੀ ਫੈਡਰੇਸ਼ਨ ਆਫ ਮਲੇਸ਼ੀਆ ਦੀ ਟੀਮ ਨੇ ਮਾ ਖੇਡ ਕਬੱਡੀ ਨੂੰ ਦੁਨੀਆਂ ਭਰ ਵਿੱਚ ਉੱਚਾ ਚੁੱਕਣ ਲਈ ਅਹਿਮ ਵਿਚਾਰਾਂ ਕੀਤੀਆਂ।ਇਸ ਮੌਕੇ ਯੂਨਾਈਟਿਡ ਕਬੱਡੀ ਫੈਡਰੇਸ਼ਨ ਆਫ ਮਲੇਸ਼ੀਆ ਦੇ ਬੁਲਾਰੇ ਨੇ ਦੱਸਿਆ ਕਿ ਸਾਡੀ ਟੀਮ ਮਾ ਖੇਡ ਕਬੱਡੀ ਨੂੰ ਲਗਾਤਾਰ ਪ੍ਰਮੋਟ ਕਰ ਰਹੀ ਹੈ। ਸਮੇ ਸਮੇ ਤੇ ਮਲੇਸ਼ੀਆ ਵਿੱਚ ਲੋਕਲ ਕਬੱਡੀ ਟੀਮਾਂ ਤੇ ਇੰਟਰਨੈਸ਼ਨਲ ਕਬੱਡੀ ਟੀਮਾਂ ਦੇ ਕਬੱਡੀ ਟੂਰਨਾਮੈਂਟ ਕਰਵਾਏ ਜਾਂਦੇ ਹਨ।ਇਸ ਮੌਕੇ ਯੂਨਾਇਟਿਡ ਕਬੱਡੀ ਫੈਡਰੇਸ਼ਨ ਆਫ ਮਲੇਸ਼ੀਆ ਵਲੋਂ ਕਬੱਡੀ ਪ੍ਰਮੋਟਰ ਤੇ ਫਿਲਮ ਨਿਰਮਾਤਾ ਜੋਤੀ ਸਹੋਤਾ ਕਨੇਡਾ ਜੀ ਦਾ ਵਿਸੇਸ਼ ਸਨਮਾਨ ਕੀਤਾ ਗਿਆ।ਗੱਲਬਾਤ ਦੌਰਾਨ ਕਬੱਡੀ ਪ੍ਰਮੋਟਰ ਤੇ ਫਿਲਮ ਨਿਰਮਾਤਾ ਜੋਤੀ ਸਹੋਤਾ ਕਨੇਡਾ ਜੀ ਨੇ ਸਮੁੱਚੀ ਯੂਨਾਇਟਿਡ ਕਬੱਡੀ ਫੈਡਰੇਸ਼ਨ ਆਫ ਮਲੇਸ਼ੀਆ ਨੂੰ ਭਰੋਸਾ ਦਿਵਾਇਆ ਕਿ ਅਸੀਂ ਮਾ ਖੇਡ ਕਬੱਡੀ ਤੇ ਪੰਜਾਬੀ ਸਭਿਆਚਾਰ ਨੂੰ ਪ੍ਰਫੁੱਲਤ ਕਰਨ ਲਈ ਹਮੇਸ਼ਾ ਯਤਨਸ਼ੀਲ ਹਾਂ।
