ਜੰਡਿਆਲਾ ਗੁਰੂ (ਸੋਨੂ ਮਿਗਲਾਨੀ) ਆਮ ਆਦਮੀ ਪਾਰਟੀ ਦੀ ਸਰਕਾਰ ਵਲੋ ਅਤਿ ਦੀ ਗਰਮੀ ਨੂੰ ਮੁੱਖ ਰੱਖਦੇ ਹੋਏ ਸਰਕਾਰੀ ਦਫਤਰਾਂ ਆਦਿ ਦਾ ਸਮਾਂ ਸਵੇਰੇ 7.30 ਵਜੇ ਤੋਂ 2 ਵਜੇ ਤਕ ਕੀਤਾ ਹੋਇਆ ਹੈ । ਪੰਜਾਬ ਸਰਕਾਰ ਦੇ ਇਸ ਹੁਕਮ ਦੀ ਪਾਲਣਾ ਕਰਦੇ ਹੋਏ ਜੰਡਿਆਲਾ ਗੁਰੂ ਸਬ ਤਹਿਸੀਲ ਵਿਚ ਪਟਵਾਰੀਆ ਸਮੇਤ ਬਾਕੀ ਸਟਾਫ ਦੀ ਹਾਜਰੀ ਨਿਰਧਾਰਿਤ ਸਮੇਂ ਤੇ ਦੇਖਣ ਨੂੰ ਮਿਲ ਰਹੀ ਹੈ । ਤਹਿਸੀਲਦਾਰ ਸ਼੍ਰੀਮਤੀ ਇਕਵਿੰਦਰ ਕੌਰ ਵਲੋ ਸਮੇਂ ਸਿਰ ਰਜਿਸਟਰੀਆਂ ਕਰਨ ਤੇ ਜਨਤਾ ਵੀ ਖੁਸ਼ ਦਿਖਾਈ ਦੇ ਰਹੀ ਹੈ । ਪਤਰਕਾਰਾਂ ਦੀ ਟੀਮ ਵਲੋ ਬੀਤੇ ਕਲ੍ਹ ਜਦ ਪਟਵਾਰਖਾਨੇ ਦਾ ਦੌਰਾ ਕੀਤਾ ਗਿਆ ਤਾਂ ਕਿਸੇ ਸਟਾਫ ਮੈਂਬਰ ਦੀ ਕੁਰਸੀ ਖਾਲੀ ਨਹੀਂ ਸੀ । ਮੈਡਮ ਇਕਵਿੰਦਰ ਕੌਰ ਕੋਲ ਤਰਸਿੱਕਾ ਸਮੇਤ ਹੋਰ ਜਗ੍ਹਾ ਦਾ ਵੀ ਚਾਰਜ ਹੋਣ ਕਰਕੇ ਜਦ ਓਹਨਾਂ ਨਾਲ ਫੋਨ ਤੇ ਗੱਲ ਕੀਤੀ ਗਈ ਤਾਂ ਉਹਨਾਂ ਦੱਸਿਆ ਕਿ ਜਨਤਾ ਦਾ ਕੰਮ ਕਰਨਾ ਅਤੇ ਸਰਕਾਰ ਦੇ ਹੁਕਮਾਂ ਦੀ ਪਾਲਣਾ ਕਰਨਾ ਸਾਡਾ ਫਰਜ਼ ਹੈ। ਓਹਨਾਂ ਦੱਸਿਆ ਕਿ ਸਾਰਾ ਸਟਾਫ ਪੂਰੀ ਇਮਾਨਦਾਰੀ ਨਾਲ ਕੰਮ ਕਰ ਰਿਹਾ ਹੈ ਅਤੇ ਜੇਕਰ ਕਿਸੇ ਵੀ ਅਧਿਕਾਰੀ ਦੀ ਸ਼ਿਕਾਇਤ ਜਨਤਾ ਵਲੋ ਸਬੂਤਾ ਸਮੇਤ ਕੀਤੀ ਜਾਵੇਗੀ ਤਾਂ ਉਸ ਉਪਰ ਤੁਰੰਤ ਐਕਸ਼ਨ ਲਿਆ ਜਾਵੇਗਾ
