ਲੁਧਿਆਣਾ ( ਰਛਪਾਲ ਸਹੋਤਾ) ਚੌਧਰੀ ਅਸ਼ਵਨੀ ਕੁਮਾਰ ਨੇ ਆਮ ਆਦਮੀ ਪਾਰਟੀ ਵਲੋਂ ਉਨ੍ਹਾਂ ਨੂੰ ਮੀਤ ਪ੍ਰਧਾਨ ਬਣਾਏ ਜਾਣ ਦਾ ਲੁਧਿਆਣਾ ਉਤਰੀ ਦੇ ਵਿਧਾਇਕ ਚੌਧਰੀ ਮਦਨ ਲਾਲ ਬੱਗਾ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਹੈ। ਅੱਜ ਆਪਣੇ ਸਾਥੀਆਂ ਸਮੇਤ ਚੌਧਰੀ ਅਸ਼ਵਨੀ ਕੁਮਾਰ ਨੇ ਆਪ ਵਿਧਾਇਕ ਦੇ ਸਲੇਮ ਟਾਬਰੀ ਦਫ਼ਤਰ ਵਿਖੇ ਉਚੇਚੇ ਤੌਰ ਤੇ ਪੁੱਜ ਕੇ ਉਨ੍ਹਾਂ ਦਾ ਮੂੰਹ ਮਿੱਠਾ ਕਰਵਾਇਆ ਤੇ ਸਿਰੋਪਾਓ ਭੇਂਟ ਕਰ ਕੇ ਬੱਗਾ ਸਾਹਿਬ ਦਾ ਸਨਮਾਨ ਕਰਦਿਆਂ ਵਿਸ਼ਵਾਸ ਦੁਆਇਆ ਕਿ ਉਹ ਪਾਰਟੀ ਵਲੋਂ ਦਿੱਤੀ ਹਰ ਜੁੰਮੇਵਾਰੀ ਪੂਰੀ ਤਨਦੇਹੀ ਨਾਲ ਨਿਭਾਉਣਗੇ ਅਤੇ ਲੋਕ ਸੇਵਾ ਦੇ ਨਾਲ ਨਾਲ ਪਾਰਟੀ ਦੀ ਬਿਹਤਰੀ ਲਈ ਸਦਾ ਤਤਪਰ ਰਹਿਣਗੇ । ਇਸ ਮੌਕੇ ਸ੍ਰਵ ਸ੍ਰੀ ਅਮਨ ਬੱਗਾ, ਜਗਬੀਰ ਸਿੰਘ ਚੀਮਾ, ਗੁਰਦੀਪ ਸਿੰਘ, ਡਾ. ਰੂੜ ਸਿੰਘ ਸੰਧੂ, ਵਰਿੰਦਰ ਗਾਗਟ, ਅੰਤਰ ਪ੍ਰੀਤ ਸਿੰਘ, ਦਿਲਪ੍ਰੀਤ ਸਿੰਘ, ਰਾਜੂ ਵਿੱਜ, ਅਸ਼ੋਕ ਭੱਟੀ, ਪ੍ਰਿਤਪਾਲ ਸਿੰਘ, ਹੇਮੰਤ ਵਰਮਾ, ਵਿਪਿਨ ਕੁਮਾਰ, ਅਸ਼ੋਕ ਅਰੋੜਾ, ਇੰਦਰਜੀਤ ਸਿੰਘ ਅਤੇ ਤਰਨਵੀਰ ਸਮੇਤ ਹੋਰ ਵੀ ਪਾਰਟੀ ਵਰਕਰ ਹਾਜ਼ਰ ਸਨ
