ਰਈਆ (ਕਮਲਜੀਤ ਸੋਨੂੰ)—ਬਾਬਾ ਬਕਾਲਾ ਸਾਹਿਬ ਐਸ.ਡੀ.ਐਮ ਕਮ ਰਿਟਰਨਿੰਗ ਅਫਸਰ ਆਈ.ਏ.ਐਸ ਸ੍ਰੀ ਵਿਰਾਜ ਸ਼ਿਆਮ ਕਰਣ ਤਿੜਕੇ ਦੀ ਤਰਫੋਂ ਪਰਮਜੀਤ ਕੁਮਾਰ ਅਤੇ ਉਹਨਾਂ ਦੀ ਟੀਮ ਨੂੰ ਚੌਣਾਂ ਦੀ ਡਿੳੂਟੀ ਦੌਰਾਨ ਵਧੀਅਾਂ ਸੇਵਾਵਾਂ ਦੇਣ ਬਦਲੇ ਸਨਮਾਨ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਜਾਣਕਾਰੀ ਦਿੰਦਿਆਂ ਚੋਣ ਕਾਨੂੰਗੋ ਸੁਖਜੀਤ ਸਿੰਘ ਨੇ ਦੱਸਿਆ ਕਿ ਪਰਮਜੀਤ ਕੁਮਾਰ ਵੱਲੋਂ ਆਪਣੀ ਟੀਮ ਦਾ ਸੰਚਾਲਨ ਕਰਦਿਆਂ ਹਰ ਸ਼ਿਕਾਇਤ ਦਾ ਸਮੇਂ ਸਿਰ ਨਿਪਟਾਰਾ ਕੀਤਾ ਗਿਆ ਅਤੇ ਕਿਸੇ ਵੀ ਸ਼ਿਕਾਇਤ ਨੂੰ ਬਕਾਇਆ ਨਹੀਂ ਰਹਿਣ ਦਿੱਤਾ ਗਿਆ। ਐਫ.ਐਸ.ਟੀ ਅਤੇ ਐਸ.ਐਸ.ਟੀ ਟੀਮਾਂ ਨਾਲ ਲਗਾਤਾਰ ਸੰਪਰਕ ਵਿੱਚ ਰਹਿ ਕੇ ਸ਼ਿਕਾਇਤ ਸੈੱਲ ਵੱਲੋਂ ਚੰਗੀ ਕਾਰਗੁਜ਼ਾਰੀ ਦਾ ਮੁਜ਼ਾਹਰਾ ਕਰਕੇ ਕਿਸੇ ਵੀ ਸ਼ਿਕਾਇਤ ਦਾ ਘੱਟ ਤੋਂ ਘੱਟ ਸਮੇਂ ਵਿੱਚ ਨਿਪਟਾਰਾ ਕੀਤਾ ਗਿਆ।ਬੇਸ਼ੱਕ ਉਨ੍ਹਾਂ ਦੀ ਟੀਮ ਬਹੁਤ ਛੋਟੀ ਸੀ ਪਰ ਪ੍ਰਦਰਸ਼ਨ ਵਧੀਆ ਰਿਹਾ।ੲਿਸ ਮੌਕੇ ਚੋਣ ਕਾਨੂੰਗੋ ਸੁਖਜੀਤ ਸਿੰਘ, ਤਹਿਸੀਲਦਾਰ ਸਰਬਜੀਤ ਸਿੰਘ, ਸੁਪਰਡੈਂਟ ਸੁਖਵਿੰਦਰ ਕੌਰ, ਵਰਿੰਦਰਪਾਲ ਸਿੰਘ, ਰਾਜਨ ਸ਼ਰਮਾ, ਅਰੁਣ ਕੁਮਾਰ, ਵਰਿੰਦਰ ਕੁਮਾਰ, ਸੁਰਿੰਦਰ ਸਿੰਘ, ਹਰਪ੍ਰੀਤ ਸਿੰਘ, ਭੁਪਿੰਦਰ ਸਿੰਘ ਤੇ ਹੋਰ ਹਾਜ਼ਰ ਸਨ |
