ਜੰਡਿਆਲਾ ਗੁਰੂ ( ਸੋਨੂੰ ਮਿਗਲਾਨੀ)- ਸੇਂਟ ਸੋਲਜ਼ਰ ਇਲੀਟ ਕਾਨਵੈਂਟ ਸਕੂਲ ਜੰਡਿਆਲਾ ਗੁਰੂ ਦੀ ਮੈਨੇਜਮੈਂਟ, ਸਟਾਫ ਅਤੇ ਬੱਚਿਆਂ ਨੇ ਸਕੂਲ ਦੇ 25 ਸਾਲ ਪੂਰੇ ਹੋਣ ਤੇ ਸਿਲਵਰ ਜੁਬਲੀ ਮਨਾਉਦਿਆਂ ਅੱਜ ਸਕੂਲ ਦੇ ਕੈਂਪਸ ਵਿੱਚ ਲੋਹੜੀ ਦਾ ਤਿਉਹਾਰ ਮਨਾਇਆ ਗਿਆ । ਇਸ ਸਮਾਗਮ ਵਿੱਚ ਸਕੂਲ ‘ਚ ਪੜ੍ਹਦੀਆਂ ਕੁੜੀਆਂ ਨੇ ਰੱਲ ਕੇ ਲੋਹੜੀ ਮਨਾਈ । ਗਿੱਧੇ ਦੀਆਂ ਬੋਲੀਆਂ ਅਤੇ ਭੰਗੜੇੇ ਤੇ ਡਾਂਸ ਕਰਕੇ ਬੱਚਿਆਂ ਅਤੇ ਸਟਾਫ਼ ਨੇ ਆਪਣੀ ਖੂਸ਼ੀ ਦਾ ਇਜਹਾਰ ਕੀਤਾ ।ਕਿਉਂਕਿ ਲੋਹੜੀ ਇੱਕ ਵਿਰਾਸਤੀ ਤਿਉਹਾਰ ਹੈ ਜੋ ਪੰਜਾਬ ‘ਚ ਬੜੀ ਖੁਸ਼ੀ ਨਾਲ ਮਨਾਇਆ ਜਾਂਦਾ ਹੈ । ਜਿੱਥੇ ਬੱਚੇ ਇੱਕਠੇ ਹੋਕੇ ਉਨ੍ਹਾਂ ਘਰਾਂ ‘ਚ ਲੋਹੜੀ ਮੰਗਣ ਜਾਂਦੇ ਸਨ ਜਿਥੇ ਕਿਸੇ ਮੁੰਡੇ ਜਾਂ ਕੁੜੀ ਦਾ ਵਿਆਹ ਹੋਇਆ ਹੋਵੇ ਜਾਂ ਉਨ੍ਹਾਂ ਨੇ ਘਰ ਲੜਕਾ ਪੋੈਦਾ ਹੋਇਆ ਹੋਵੇ । ਪਰ ਅੱਜ ਕਲ ਬਹੁਤੇ ਪਰਿਵਾਰ ਆਪਣੀਆਂ ਬੇਟੀਆਂ ਨੂੰ ਵੀ ਪੁੱਤਰਾਂ ਵਾਂਗ ਸਮਝਦੇ ਹਨ । ਅਜਿਹਾ ਹੀ ਸੇਂਟ ਸੋਲਜ਼ਰ ਸਕੂਲ ਵਿੱਚ ਧੀਆਂ ਨੂੰ ਸਨਮਾਨ ਦੇਣ ਲਈ ਲੜਕੀਆਂ ਨੂੰ ਲੋਹੜੀ ਤੇ ਖਾਸ ਤੌਰ ਤੇ ਸਨਮਾਨਿਤ ਕੀਤਾ ਗਿਆ । ਉਨ੍ਹਾਂ ਨੂੰ ਲੋਹੜੀ ਵੰਡੀ ਗਈ ਤਾਂ ਜੋ ਮਹਿਲਾ ਸ਼ਕਤੀਕਰਣ ਵਿੱਚ ਇਹ ਕੂੜੀਆਂ ਹਿੱਸਾ ਲੈਣ ਤੇ ਸਮਾਜ ਵਿੱਚ ਸਿਰ ਉੱਚਾ ਕਰਕੇ ਚੱਲਣ । ਇਸ ਮੌਕੇ ਤੇ ਸਕੂਲ ਦੇ ਡਾਇਰੈਕਟਰ ਡਾ. ਮੰਗਲ ਸਿੰਘ ਕਿਸ਼ਨਪੁਰੀ ਨੇ ਸਟਾਫ ਅਤੇ ਬੱਚਿਆਂ ਨਾਲ ਮਿੱਲ ਕੇ ਲੋਹੜੀ ਮਨਾਈ ।ਸਕੂਲ ਦੀ ਪ੍ਰਿੰਸੀਪਲ ਅਮਰਪ੍ਰੀਤ ਕੌਰ ਨੇ ਸਾਰੇ ਸਟਾਫ , ਬੱਚਿਆਂ ਤੇ ਸਫਾਈ ਸੇਵਕਾਂ ਨੂੰ ਲੋਹੜੀ ਵੰਡ ਕੇ ਖੁਸ਼ੀ ਦਾ ਇਜ਼ਹਾਰ ਕੀਤਾ ਅਤੇ ਆਉਣ ਵਾਲੇ ਸਾਲ ਲਈ ਅਰਦਾਸ ਕੀਤੀ ਕਿ ਨਵਾਂ ਸਾਲ ਸਭ ਤੇ ਖੁਸ਼ੀਆਂ ਲੈ ਕੇ ਆਵੇ ।
